ఎంతగానో ఎదురు చూస్తున స్క్విడ్ గేమ్ సీజన్-2 వచ్చేస్తోంది. ఓటీటీలో స్క్విడ్ గేమ్ సీజన్-1 ప్రపంచవ్యాప్తంగా ఎంతపెద్ద సంచలనం సృష్టించిన విషయం తెలిసిందే. 2021లో ప్రముఖ ఓటీటీ ప్లాట్ఫామ్ అయిన నెట్ఫ్లిక్స్లో స్ట్రీమింగ్ అయిన ఈ వెబ్ సిరీస్ ప్రపంచవ్యాప్తంగా అలజడి సృష్టించింది. ఈ నేపథ్యంలో సీజన్-2 పై అంచనాలు భారీగా పెరిగిపోయాయి. తాజాగా ఈ సిరీస్ కు సంబంధించిన పోస్టర్ ను మేకర్స్ సోషల్ మీడియాలో విడుదల చేశారు. ‘ది గేమ్ విల్ నాట్ స్టాప్’ క్యాప్షన్ తో రూపొందించిన ఈ పోస్టర్ అభిమానులను ఆకట్టుకుంటోంది. దీంతో పాటు సీజన్-2 టీజర్ ను కూడా తాజాగా విడుదల చేశారు. రెండో సీజన్ లో లీ జంగ్ జే, పార్క్ హే సూ, హోయాన్ జంగ్ కీలక పాత్రల్లో నటించారని వెల్లడించారు. ఈ సిరీస్ డిసెంబర్ 26వ తేదీ నంచి స్ట్రీమింగ్ కానుంది.
తొలుత సీజన్ తరహాలోనే ఈ సీజన్ లోనూ స్క్విడ్ గేమ్ లో 456 మంది పాల్గొంటారని, ఒక్కో టాస్క్ పూర్తిచేస్తూ ముందుకు వెళతారని తెలిపారు. సీజన్2లో మొత్తం 9 ఎపిసోడ్స్ ఉండనున్నాయి. ఈసారి స్క్విడ్ గేమ్ రూల్స్ డిఫరెంట్గా ఉంటాయని, ఫస్ట్ సీజన్ కు మించి ట్విస్టులతో సాగుతుందని అంటున్నారు. ఈ సీజన్లో ఎలాంటి గేమ్స్ ఉంటాయి లాంటి వివరాలు తెలియాలంటే మరికొన్ని రోజులు వేచి చూడాల్సిందే.