రవితేజ హీరోగా భాను భోగవరపు దర్శకత్వంలో రూపొందుతున్న చిత్రం ‘మాస్ జాతర’. సితార ఎంటర్‌టైన్‌మెంట్స్ మరియు ఫార్చూన్ ఫోర్ సినిమాస్ బ్యానర్‌లపై నాగవంశీ, సాయి సౌజన్య నిర్మించారు. ఈ సినిమా షూటింగ్ శరవేగంగా జరుగుతోంది. ప్రస్తుతం హైదరాబాద్ శివారులోని జన్వాడలో వేసిన ప్రత్యేక సెట్ లో షూటింగ్ జరుగుతోంది. ఈ షెడ్యూల్‌లో దాదాపు పూర్తవుతుందని తెలుస్తోంది. రవితేజ కెరీర్‌లో ఇది 75వ సినిమా.
ఇందులో ఆయన పవర్‌‌‌‌ఫుల్ పోలీస్ ఆఫీసర్‌‌‌‌గా కనిపించనున్నాడు. ‘ధమాకా’ తర్వాత మరోసారి రవితేజకు జంటగా శ్రీలీల హీరోయిన్‌‌గా నటిస్తుంటే, భీమ్స్ సిసిరోలియో సంగీతం అందించడం సినిమాపై బజ్‌ను పెంచింది. సమ్మర్‌‌‌‌లో సినిమా రిలీజ్‌‌కు ప్లాన్ చేస్తున్నారు. ఇప్పటికే రిలీజ్ చేసిన ఈ మూవీ గ్లింప్స్‌ సినిమాపై అంచనాలు పెంచింది. మరోవైపు దీని తర్వాత కిశోర్ తిరుమల డైరెక్షన్‌‌లో రవితేజ సినిమా ఉండనుందని తెలుస్తోంది. త్వరలోనే దీనిపై అఫీషియల్ అనౌన్స్‌‌మెంట్ రానుంది.