యంగ్ రెబల్ స్టార్ సినిమాల లైనప్ లో మోస్ట్ క్రేజీయెస్ట్ సినిమాలలో స్పిరిట్ ఒకటి. సెన్సేషన్ చిత్రాల దర్శకుడు సందీప్ రెడ్డి దర్శకత్వంలో తెరకెక్కుతోంది స్పిరిట్. అందులోను ఫస్ట్ టైం ప్రభాస్ పవర్ ఫుల్ పోలీస్ ఆఫీసర్‌గా కనిపించబోతున్నాడు. ఇప్పటివరకు చూడని విధంగా ప్రభాస్‌ని సరికొత్త కోణంలో చూపించబోతున్నాడట సందీప్ రెడ్డి. అందుకే సందీప్ అడిగినన్ని రోజులు డేట్స్ ఇచ్చేసాడు రెబల్ స్టార్ ప్రభాస్. ప్రస్తుతం ప్రీ ప్రొడక్షన్ వర్క్‌తో బిజీగా ఉన్నాడు సందీప్.
అయితే ఈ చిత్రానికి సంబంధించి ఒక ప్రత్యేక వార్త వెలువడింది. రెబెల్ స్టార్ తో పాటు మరో స్టార్ హీరో కూడా ఈ చిత్రంలో ప్రధాన పాత్ర పోషిస్తున్నాడు. గత సంవత్సరం మహారాజాతో సూపర్ బ్లాక్ బస్టర్ ఇచ్చిన మక్కల్ సెల్వన్ విజయ్ సేతుపతి స్పిరిట్ లో నటిస్తున్నాడు. ఇటీవలే ఈ కథను విజయ్ సేతుపతికి చెప్పినప్పుడు, సేతుపతి దీనికి గ్రీన్ సిగ్నల్ ఇచ్చాడు. విజయ్ సేతుపతి అతిథి పాత్రలో లేదా విలన్ పాత్రలో నటించబోరని, రెబల్ స్టార్ పాత్రకు తగిన శక్తివంతమైన పోలీస్ పాత్రలో నటించనున్నాడని కూడా సమాచారం. సినిమాను మొత్తం 120 రోజుల వర్కింగ్ డేస్ లో ఫినిష్ చేసేలా ప్లాన్ చేస్తున్నాడు. ప్రభాస్ పోలీస్ అంటేనే అంచనాలు ఓ రేంజ్ కు చేరుకున్నాయి. ఇప్పుడు విజయ్ సేతుపతి వచ్చి చేరడంతో ఎక్స్ పెక్టషన్స్ పీక్స్ కు చేరుకున్నాయి. ప్రస్తుతం ప్రభాస్ చేస్తున్న రాజాసాబ్ చివరి దశకు చేరుకుంది. ఏప్రిల్ లో స్పిరిట్ సినిమాను సెట్స్ పైకి ఎక్కించేలా ప్లాన్ చేస్తున్నాడు సందీప్ రెడ్డి వంగ.