తిరుపతి: తిరుపతి సమీపంలోని పేరూరు బండపై శ్రీ వకుళమాత ఆలయంలో వార్షికోత్సవాలు ఆదివారం ఘనంగా జరిగాయి. ఈ సందర్భంగా ఆలయంలో ప్రత్యేక కార్యక్రమాలు నిర్వహించారు. ఇందులో భాగంగా ఉదయం తోమాల, సహస్రనామార్చన అనంతరం సుప్రభాతంతో అమ్మవారిని మేల్కొలిపారు. అనంతరం శ్రీ విశ్వక్సేన్ ఆరాధన, పుణ్యహవచనం, రక్షాబంధనం, అగ్నిప్రతిష్ట, కలశారాధన, మహాశాంతి హోమం, పూర్ణాహుతి నిర్వహించారు. అనంతరం అమ్మవారి ఉత్సవ విగ్రహానికి ఉదయం 11 గంటల నుంచి మధ్యాహ్నం 12 గంటల వరకు అష్టోత్తర కలశాభిషేకం నిర్వహించారు. ప్రత్యేక స్థాయి డీఈవో వరలక్ష్మి, వీజీఓ బాలిరెడ్డి, టెంపుల్ ఇన్స్పెక్టర్ శివకుమార్, ఇతర అధికారులు, పెద్ద సంఖ్యలో భక్తులు పాల్గొన్నారు.
