6days bull rally in Indian Markets: దేశీయ స్టాక్ మార్కెట్లు వారాంతంలో బలహీనపడ్డాయి. ఆరు రోజుల పాటు లాభాల్లో నడిచిన సూచీలు శుక్రవారం నష్టాల్లోకి జారాయి. ఉదయం సెన్సెక్స్ 570 పాయింట్లు, నిఫ్టీ 175 పాయింట్లు నష్టపోయాయి. ఎఫ్ఎంసీజీ, బ్యాంకింగ్, ఐటీ, ఆయిల్ అండ్ గ్యాస్ స్టాక్స్ భారీగా అమ్మకాల ఒత్తిడిని చూశాయి. ముఖ్యంగా హెచ్డీఎఫ్సీ, ఐసీఐసీఐ బ్యాంక్ షేర్లు గణనీయంగా పడిపోయాయి. నిపుణుల ప్రకారం లాభాల స్వీకరణ, జీఎస్టీ తగ్గింపు వార్తల తర్వాత వచ్చిన ర్యాలీకి అమ్మకాలు బ్రేక్ వేయటం, అలాగే సెప్టెంబరులో జరగనున్న యూఎస్ మానిటరీ పాలసీ సమావేశంపై పెట్టుబడిదారుల్లో ఉన్న ఆందోళన మార్కెట్లను కిందికి నెట్టాయి. జెరోమ్ పావెల్ ప్రసంగం ఫెడ్ నిర్ణయాలకు కీలకమని భావించడం కూడా ఇన్వెస్టర్లలో అనిశ్చితి పెంచింది.
మార్కెట్ల పతనానికి మరో కారణం అమెరికా అధ్యక్షుడు ట్రంప్ ప్రకటించిన అదనపు 25% సుంకాలు ఆగస్టు 27 నుంచి అమల్లోకి రావడమే. ఈ నిర్ణయంపై ఎలాంటి చర్చలు జరగకపోవడం పెట్టుబడిదారులను భయపెట్టింది. దీనివల్ల భారత ఆర్థిక వ్యవస్థ మరింత దెబ్బతినే అవకాశముందని నిపుణులు హెచ్చరిస్తున్నారు. అదనంగా రూపాయి విలువ కూడా పడిపోయి డాలర్‌తో పోలిస్తే రూ.87.36కు చేరుకోవటం విదేశీ చెల్లింపులు ఖరీదైనవిగా మారే పరిస్థితి తెచ్చింది. అయితే తగ్గుతున్న క్రూడ్ ధరలు, విదేశీ పెట్టుబడుల ప్రవాహం కొంత ఒత్తిడిని తగ్గిస్తాయని నిపుణులు అంచనా వేస్తున్నారు.
Internal Links:
భారీ లాభాలతో ముగిసిన ట్రేడింగ్
External Links:
అరగంటలో ఆవిరైన 6 రోజుల లాభాల జోరు.. మార్కెట్ల నష్టాలకు కారణాలివే..?