News5am, Breaking Telugu News (10-05-2025): భారత్ – పాకిస్థాన్ మధ్య ఉద్రిక్తతలు పెరుగుతున్న నేపథ్యంలో, శుక్రవారం దేశీ స్టాక్ మార్కెట్లు పడిపోయాయి. సెన్సెక్స్, నిఫ్టీ రెండు సూచీలు కూడా 1 శాతానికి పైగా తగ్గుముఖం పట్టాయి. ముఖ్యంగా రియల్టీ, ఫైనాన్షియల్, యుటిలిటీస్ రంగాలకు చెందిన షేర్లు భారీగా నష్టపోయాయి. సెన్సెక్స్ 880.34 పాయింట్లు లేదా 1.10 శాతం పడిపోయి 79,454.47 వద్ద ముగిసింది. బీఎస్‌ఈలో 2,522 స్టాక్స్ నష్టాల్లో ఉండగా, 1,343 స్టాక్స్ లాభాల్లో ముగిశాయి. 145 స్టాక్స్‌లో ఎలాంటి మార్పు రాలేదు. ఎన్‌ఎస్‌ఈ నిఫ్టీ 265.80 పాయింట్లు లేదా 1.10 శాతం తగ్గి 24,008 వద్ద ముగిసింది. గురువారం రాత్రి పాక్ డ్రోన్‌లు, క్షిపణులతో జమ్మూ, పఠాన్‌కోట్ సహా భారత సైనిక స్థావరాలపై దాడికి పాల్పడింది.
ఈ దాడులను భారత్ సమర్థవంతంగా తిప్పికొట్టింది. “ఇరు దేశాల మధ్య ఉద్రిక్తతలు కొనసాగుతాయని అనుమానం ఉన్నప్పటికీ, పరిస్థితి ఇంతగా తీవ్రమవుతుందని మార్కెట్ ఊహించలేదు. ఈ ఉద్రిక్తతలు ఎంతకాలం ఉంటాయోనన్న సందేహం పెట్టుబడిదారులను ఆందోళనకు గురిచేస్తోంది. అయితే పాకిస్తాన్ ఆర్థిక స్థితిని చూస్తే దీర్ఘకాలం ఈ పరిస్థితి కొనసాగే అవకాశాలు తక్కువగా ఉన్నాయి. అదనంగా, విదేశీ సంస్థాగత మదుపుదారులు (ఎఫ్‌ఐఐలు) ఇప్పటికీ భారత స్టాక్ మార్కెట్లలో నికరంగా కొనుగోళ్లు చేస్తున్నారు.
More Breaking Telugu News
పాక్ కాల్పుల్లో మరో జవాన్ వీరమరణం..