Decreased Gold Rates: శ్రావణ మాసం ప్రారంభమవడంతో పెళ్లిళ్ల హంగామా జోరుగా సాగుతోంది. ఇప్పటికే సంబంధాలు కుదుర్చుకున్న వారు వివాహ ఏర్పాట్లలో తలమునకలై ఉన్నారు. పెళ్లిళ్ల సమయంలో బంగారం కొనుగోలు సర్వసాధారణం. ఈ పరిస్థితిలో బంగారం ధరలు కొంత తగ్గడంతో వినియోగదారులకు ఊరట లభించింది. ఈ రోజు బంగారం ధరలు స్వల్పంగా పడిపోయాయి. తులం బంగారంపై రూ. 110 తగ్గుదల వచ్చింది. వెండి ధరలు మాత్రం స్థిరంగా కొనసాగుతున్నాయి. హైదరాబాద్ బులియన్ మార్కెట్ లో ఈరోజు 24 క్యారెట్ల బంగారం (గ్రాం) ధర రూ.9,982గా ఉండగా, 22 క్యారెట్ల బంగారం (గ్రాం) ధర రూ.9,150గా ఉంది. 22 క్యారెట్ల 10 గ్రాముల బంగారం ధర రూ. 100 తగ్గి రూ.91,500కి చేరింది. అదే సమయంలో 24 క్యారెట్ల బంగారం 10 గ్రాముల ధర రూ.110 తగ్గి రూ.99,820కి ట్రేడ్ అవుతోంది.
విజయవాడ, విశాఖపట్నం నగరాల్లో కూడా ఇదే ధరలు అమల్లో ఉన్నాయి. దేశ రాజధాని ఢిల్లీలో 22 క్యారెట్ల బంగారం 10 గ్రాముల ధర రూ.91,650గా ఉంది. 24 క్యారెట్ల బంగారం అదే పరిమాణానికి ధర రూ.99,970కి చేరుకుంది. హైదరాబాద్ బులియన్ మార్కెట్ లో కిలో వెండి ధర రూ.1,26,000గా ఉంది. ఢిల్లీలో కిలో వెండి ధర రూ.1,16,000 వద్ద కొనసాగుతోంది.
Internal Links:
External Links:
పెళ్లిళ్ల సీజన్ వేళ.. దిగొచ్చిన బంగారం ధరలు.. నేడు తులం ఎంతంటే?