Gold Rates Rising: 2025 ప్రారంభం నుంచి బంగారం ధరల్లో భారీ వృద్ధి నమోదైంది. అంతర్జాతీయంగా రాజకీయ అనిశ్చితులు, పాలసీ సంబంధిత ఆందోళనలు వంటి అంశాల నేపథ్యంలో పసిడి ధరలు ఏకంగా 30 శాతం పెరిగాయని జేపీ మోర్గన్ రీసెర్చ్ పేర్కొంది. మరికొద్ది రోజుల్లో బంగారం ఔన్సు ధర 4,000 డాలర్లకు చేరే అవకాశం ఉందని అంచనా. ఈ పరిస్థితులు ప్రపంచ ఆర్థిక వ్యవస్థలో మాంద్య సూచనలుగా భావించబడుతున్నాయని, అమెరికా వాణిజ్య సుంకాల ప్రభావం కూడా ఈ పెరుగుదలకు కారణమని అనలిస్టు నటాషా కనేనా వెల్లడించారు. దీంతో దేశవ్యాప్తంగా బంగారం ధరలు లాభదాయకంగా మారాయి. 22 క్యారెట్ల బంగారం ధర నిన్నటితో పోల్చితే 100 గ్రాములకు రూ.1000 పెరిగింది. చెన్నై, ముంబై, కలకత్తా, బెంగళూరు, కేరళ, పూణే, జైపూర్, లక్నో, గురుగ్రామ్ వంటి ప్రధాన నగరాల్లో గ్రాముకు సగటు ధర రూ.9,180 నుంచి రూ.9,195 వరకు నమోదైంది.
అదే విధంగా, 24 క్యారెట్ల బంగారం ధరలో 100 గ్రాములకు రూ.1100 పెరుగుదల చోటుచేసుకుంది. దేశంలోని అన్ని ప్రధాన నగరాల్లో రిటైల్ ధరలు గ్రాముకు రూ.10,015 నుంచి రూ.10,030 మధ్య కొనసాగుతున్నాయి. హైదరాబాద్, కరీంనగర్, వరంగల్, విజయవాడ, నెల్లూరు, తిరుపతి, కాకినాడ వంటి నగరాల్లో 22 క్యారెట్ల బంగారం తులం ధర రూ.91,800గా ఉండగా, 24 క్యారెట్ల ధర రూ.1,00,150గా ఉంది. వెండి ధర కూడా పెరిగి, రెండు తెలుగు రాష్ట్రాల్లో కిలోకు రూ.1,26,000గా కొనసాగుతోంది. దీంతో గోల్డ్ & సిల్వర్ ఇన్వెస్టర్లు తక్షణ లాభాల కోసం ఆసక్తిగా కొనుగోళ్లకు సిద్ధమవుతున్నారు.
Internal Links:
బంగారం, వెండి ధరల్లో స్వల్ప మార్పులు..
స్వల్పంగా పెరిగిన పసిడి ధరలు..
External Links:
తులం రూ.లక్ష కిందకి తగ్గనంటున్న గోల్డ్.. సోమవారం హైదరాబాద్ రేట్లివే..