Chandanagar Shootout Robbery Attempt: హైదరాబాద్ చందానగర్లో కాల్పుల కలకలం రేగింది. ప్రముఖ నగల దుకాణం ‘ఖజానా జ్యువెలర్స్’లో దుండగులు దోపిడీకి యత్నించి, అడ్డుకున్న సిబ్బందిపై దాడి చేసి కాల్పులు జరిపారు. ఈ దాడిలో షాపులోని పలువురికి గాయాలయ్యాయి. పోలీసులు రంగంలోకి దిగగానే దుండగులు అక్కడి నుంచి తప్పించుకున్నారు. గాయపడిన వారిని ఆస్పత్రికి తరలించగా, కేసు నమోదు చేసిన చందానగర్ పోలీసులు నిందితుల కోసం గాలిస్తున్నారు. దుండగులు ముందుగా గేట్ సిబ్బందిని గాయపరిచి లోపలికి ప్రవేశించి, లాకర్ కీ ఇవ్వకపోవడంతో గన్తో బెదిరించారు. అసిస్టెంట్ మేనేజర్పై కాల్పులు జరిపి, బంగారు ఆభరణాల స్టాల్స్ పగలగొట్టారు. ఒకరు పోలీసులకు కాల్ చేయడంతో వారు వెంటనే ఘటనాస్థలానికి చేరుకున్నారు.
మొత్తం ఆరుగురు సభ్యులతో ఉన్న గ్యాంగ్ రెండు రౌండ్ల ఫైరింగ్ జరిపి, తుపాకీతో సీసీ కెమెరాలను ధ్వంసం చేసింది. పోలీసులను చూసి దుండగులు పారిపోయారు. వారిని పట్టుకునేందుకు 10 ప్రత్యేక బృందాలు గాలింపు చర్యలు చేపట్టాయి. ఈ ఘటనపై పూర్తి వివరాలు ఇంకా తెలియాల్సి ఉండగా, చందానగర్ ప్రాంతంలో ఒక్కసారిగా ఉలిక్కిపడ్డ వాతావరణం నెలకొంది.
Internal Links:
కోల్కతాలో ఐఐఎం విద్యార్థినిపై అత్యాచారం..
దేశవ్యాప్తంగా సంచలనంగా టెన్నిస్ ప్లేయర్ రాధికా యాదవ్ హత్య
External Links:
ఖజానా జ్యువెలరీలో దోపిడీ దొంగల బీభత్సం.. సిబ్బందిపై కాల్పులు!