iBomma Website: తెలంగాణ పోలీసులు పైరసీ వెబ్సైట్ ‘ఐబొమ్మ’ కేసులో పెద్ద ముందడుగు వేశారు. ఈ వెబ్సైట్ను నడిపిస్తున్న ఇమ్మడి రవిని కూకట్పల్లిలో అరెస్ట్ చేశారు. విదేశాల్లో ఉంటూ సైట్ను నిర్వహిస్తున్న రవి ఫ్రాన్స్ నుంచి హైదరాబాద్ వస్తున్నాడని ముందుగానే సమాచారం అందడంతో, పోలీసులు నిఘా పెట్టి పట్టుకున్నారు. సినీ నిర్మాతల ఫిర్యాదు ఆధారంగా కేసు నమోదు చేయగా, విచారణలో భాగంగా రవి బ్యాంకు ఖాతాల్లోని సుమారు రూ.3 కోట్లను ఫ్రీజ్ చేశారు.
గతంలో పోలీసులకు సవాల్ విసిరి, తాకితే యూజర్ డేటాను లీక్ చేస్తామంటూ హెచ్చరించిన రవి అరెస్ట్ కావడం ఇప్పుడు హాట్ టాపిక్గా మారింది. హీరోల అధిక పారితోషికాలే పరిశ్రమను దెబ్బతీస్తున్నాయని కూడా ఆయన గతంలో ఆరోపించాడు. భార్య నుంచి విడిపోయి ఒంటరిగా ఉంటూ, ఐబొమ్మ ద్వారా ఉచితంగా పైరసీ కంటెంట్ అందిస్తున్నట్లు తెలుస్తోంది. ప్రస్తుతం అధికారులు సైట్ సర్వర్లను చెక్ చేస్తుండగా, ఈ అరెస్ట్తో పైరసీ నెట్వర్క్పై మరిన్ని వివరాలు బయటకు వచ్చే అవకాశం ఉంది.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
ఇంట్లో ఒంటరిగా ఉన్న సమయంలో రేణు అగర్వాల్ దారుణ హత్య
External Links:
‘ఐబొమ్మ’కు పోలీసుల చెక్.. హైదరాబాదుకు వచ్చిన నిర్వాహకుడి అరెస్ట్