News5am, Latest Breaking News (09-06-2025): ఇండోర్‌కు చెందిన రాజా రఘువంశీ హత్య కేసు ఊహించని మలుపు తిరిగింది. హనీమూన్ కోసం భార్య సోనమ్‌తో కలిసి మేఘాలయ వెళ్లిన రాజా రఘువంశీ అక్కడ హత్యకు గురయ్యాడు. విచారణలో భర్త హత్యకు ఆలోచన చేసిన వ్యక్తే భార్య సోనమ్ అని పోలీసులకు తెలిసింది. మేఘాలయ డీజీపీ ఇదాషిషా నోంగ్రాంగ్ వెల్లడించిన వివరాల ప్రకారం, సోనమ్ కిరాయి హంతకులకు సుపారీ ఇచ్చింది. విచారణ అనంతరం యూపీలోని నంద్‌గంజ్ పోలీస్ స్టేషన్‌ వద్ద సోనమ్ లొంగిపోయింది. ఆమెతో పాటు హత్యలో పాల్గొన్న ముగ్గురు నిందితులను కూడా పోలీసులు అరెస్ట్ చేశారు. వారిలో ఒకరిని యూపీలో, మిగిలిన ఇద్దరిని ఇండోర్‌లో పట్టుకున్నారు. ఇంకా కొంతమంది ఈ హత్యకు సంబంధించినవారై ఉండొచ్చన్న కోణంలో విచారణ కొనసాగుతోంది.
ఈ ఘటనకు కారణమైన నేపథ్యం ఇలా ఉంది. మధ్యప్రదేశ్‌లోని ఇండోర్‌కు చెందిన రఘువంశీ కుటుంబం ట్రాన్స్‌పోర్ట్ వ్యాపారం నిర్వహిస్తోంది. మే 11న రఘువంశీ, సోనమ్‌ల వివాహం జరిగింది. మే 20న హనీమూన్ కోసం వారు మేఘాలయ వెళ్లారు. మే 23న షిపారాలోని హోటల్ నుంచి వారు చెక్‌ఔట్‌ అయిన తరువాత కనిపించకుండా పోయారు. మే 24న వారి స్కూటీ ఒక గ్రామం వద్ద కనిపించింది. మే 25న స్కూటీను వారు రెంట్‌కు తీసుకున్నట్టు పోలీసులు గుర్తించారు. జూన్ 2న రఘువంశీ మృతదేహాన్ని సోహ్రా ప్రాంతంలోని లోయలో నుంచి వెలికితీశారు. జూన్ 7న ముగ్గురు నిందితులను పోలీసులు అరెస్ట్ చేయగా, జూన్ 8న సోనమ్ ఘాజీపూర్‌లో కనిపించి, జూన్ 9న పోలీసులకు లొంగిపోయింది. విచారణలో భర్త హత్యకు ఆమెనే ప్రణాళిక రచించినట్టు నిర్ధారణ అయింది.
More Latest Breaking News:
Latest Breaking News:
ఆంధ్రప్రదేశ్ మహేష్ కో-ఆపరేటివ్ అర్భన్ బ్యాంకులో ఘరానా మోసం
తల్లి బర్త్ డే వేడుకలు జరుపుకునేందుకు వెళ్తే.. దారుణ హత్యకు గురైన కొడుకు..
More Latest Breaking News: External Sources
మేఘాలయ హనీమూన్ జంట కేసు.. దిమ్మతిరిగే ట్విస్ట్.. భర్త హత్యకు స్కెచ్ వేసిందే భార్య..!