Israel-Hamas Peace Deal: ఇజ్రాయెల్–హమాస్ మధ్య గాజా శాంతి ఒప్పందం మొదటి దశను భారత్ స్వాగతించింది. ఈ ఒప్పందం ప్రకారం, ఇజ్రాయెల్ బందీల విడుదలతో పాటు కొన్ని ప్రాంతాల నుంచి సైన్యాన్ని ఉపసంహరించుకునే అవకాశం ఉంది. దీనిపై భారత ప్రధాని నరేంద్ర మోదీ ఎక్స్ వేదికగా స్పందిస్తూ, ట్రంప్ శాంతి ప్రణాళికలోని మొదటి దశను స్వాగతిస్తున్నామని, ఇది ఇజ్రాయెల్ ప్రధాని బెంజమిన్ నెతన్యాహు యొక్క దృఢ నాయకత్వానికి నిదర్శనమని అన్నారు. వాషింగ్టన్ ప్రతిపాదించిన ఈ గాజా శాంతి ఒప్పందాన్ని ఇజ్రాయెల్–హమాస్ అంగీకరించినట్లు అమెరికా అధ్యక్షుడు డొనాల్డ్ ట్రంప్ ప్రకటించిన కొద్ది గంటలకే మోదీ స్పందించారు.
డొనాల్డ్ ట్రంప్ ట్రూత్ సోషల్‌లో ఇరు దేశాలు తమ శాంతి ప్రణాళిక మొదటి దశను అంగీకరించాయని వెల్లడించారు. ఇజ్రాయెల్ సైన్యం ఉపసంహరణకు, బందీల విడుదలకు అంగీకరించడం శాశ్వత శాంతి వైపు పెద్ద అడుగుగా ఆయన పేర్కొన్నారు. 2023 అక్టోబర్ 7న హమాస్ చేసిన దాడితో ప్రారంభమైన ఈ యుద్ధంలో వేలాది మంది ప్రాణాలు కోల్పోగా, అనేకమంది బందీలుగా మారారు. ఈ ఒప్పందం ఇజ్రాయెల్‌కు దౌత్యపరంగా, నైతికంగా గొప్ప విజయం అని నెతన్యాహు అన్నారు. బందీలందరూ తిరిగి వచ్చే వరకు తమ పోరాటం కొనసాగుతుందని ఆయన స్పష్టం చేశారు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
యూనివర్సిటీల్లో 5% భారతీయ విద్యార్థులకు మాత్రమే అనుమతి
External Links:
ఇజ్రాయెల్-హమాస్ మధ్య శాంతి ఒప్పందం.. ప్రధాని మోడీ కీలక వ్యాఖ్యలు