Israel-Iran War: ఇరాన్ మరియు ఇజ్రాయెల్ మధ్య ఉద్రిక్తత రోజురోజుకు పెరుగుతోంది. గత మూడు రోజులుగా రెండు దేశాలు పరస్పరం మిస్సైళ్లను, బాంబులను ప్రయోగిస్తూ యుద్ధాన్ని ఉధృతం చేశాయి. ఇజ్రాయెల్‌కు అమెరికా, ఇరాన్‌కు అనేక ముస్లిం దేశాలు మద్దతు తెలుపుతుండటంతో ఈ పరిస్థితి ప్రపంచ యుద్ధం 3 వైపు దారి తీసే అవకాశముందని యుద్ధ విశ్లేషకులు హెచ్చరిస్తున్నారు. ఈ నేపథ్యంలో, ఇరాన్ జాతీయ భద్రతా మండలి సభ్యుడు, ఐఆర్జీసీ టాప్ కమాండర్ జనరల్ మొహ్సేన్ రెజాయ్ ఒక టీవీ ఇంటర్వ్యూలో సంచలన వ్యాఖ్యలు చేశారు. ఇజ్రాయెల్, ఇరాన్‌పై అణుబాంబు వాడితే, పాకిస్తాన్ కూడా ఇజ్రాయెల్‌పై అణు బాంబుతో ప్రతీకారం తీసుకుంటుందనే హామీ ఇచ్చిందని ఆయన పేర్కొన్నారు. ఈ వ్యాఖ్యలు అంతర్జాతీయంగా కలకలం సృష్టించగా, పాకిస్తాన్ స్పందిస్తూ ఈ వ్యాఖ్యలను ఖండించింది.
పాకిస్తాన్ రక్షణ మంత్రి ఖవాజా ఆసిఫ్, రెజాయ్ చేసిన వ్యాఖ్యలు సరైనవికావు అన్న స్పష్టతనిచ్చారు. ఇజ్రాయెల్‌పై అణు ప్రతీకారం తీసుకోవాలని పాకిస్తాన్ ఎప్పుడూ హామీ ఇవ్వలేదని, తమ అణు సామర్థ్యం మూడవ దేశాల మధ్య జరిగే తగాదాలకు సంబంధం లేదని ఆయన స్పష్టం చేశారు. అయితే, దీనితో పాటు పాకిస్తాన్ ఇరాన్‌కు మద్దతుగా నిలబడిందని ప్రకటించింది. ఇజ్రాయెల్ దాడులకు వ్యతిరేకంగా టెహ్రాన్‌ను బలంగా మద్దతు చేస్తామని 2025 జూన్ 14న పాకిస్తాన్ జాతీయ అసెంబ్లీలో ఖవాజా ఆసిఫ్ వెల్లడించారు. ముస్లిం దేశాలన్నీ ఐక్యంగా నిలబడకపోతే, ఇరాన్‌పై జరిగిన దాడులు రేపు ఇతర ముస్లిం దేశాలకూ ఎదురయ్యే ప్రమాదం ఉందని హెచ్చరించారు. ఇజ్రాయెల్ దాడులపై స్పందించిన ఖవాజా ఆసిఫ్, ముస్లిం దేశాలన్నీ ఐకమత్యంగా నిలవాలని పిలుపునిచ్చారు. ఇజ్రాయెల్‌తో సంబంధాలు కొనసాగిస్తున్న ముస్లిం దేశాలు, తక్షణమే వాటిని నిలిపివేయాలని సూచించారు. ముస్లిం దేశాల మధ్య సఖ్యతను పెంపొందించి, ఒక చర్చా వేదిక ఏర్పాటుకు అవసరమని పేర్కొంటూ, OIC (ఆర్గనైజేషన్ ఆఫ్ ఇస్లామిక్ కోఆపరేషన్) అత్యవసర సమావేశాన్ని ఏర్పాటు చేయాలని డిమాండ్ చేశారు.
Internal Links:
రష్యా-ఉక్రెయిన్ మధ్య కీలక పరిణామం..
ఆస్ట్రియా స్కూల్‌లో కాల్పులు..
External Links:
ఇజ్రాయెల్‌పై పాకిస్థాన్ అణ్వస్త్ర దాడి..? సంచలన విషయం బయటపెట్టిన ఇరాన్ కీలక అధికారి