టాలీవుడ్ హీరో నితిన్ చాలా కాలంగా మంచి హిట్ కోసం ఎదురు చూస్తున్నాడు. తన సినిమాలకు మార్కెట్ క్రేజ్ స్థిరంగా ఉన్నప్పటికీ, ఇటీవల ఫలితాల పరంగా నిరాశలను ఎదుర్కొన్నాడు. ఇప్పుడు నితిన్ ‘రాబిన్ హుడ్’ సినిమాతో ప్రేక్షకుల ముందుకు చాలా నమ్మకంగా వచ్చాడు. వెంకీ కుడుముల దర్శకత్వం వహించిన ఈ చిత్రంలో శ్రీలీల కథానాయికగా నటిస్తుండగా, వెన్నెల కిషోర్, రాజేంద్ర పస్రద్, దేవదత్త నాగే, టామ్ చాకో, శుభలేఖ సుధాకర్, బ్రహ్మాజీ కీలక పాత్రలు పోషిస్తున్నారు. ఎన్నో అంచనాల మధ్య, ఈ చిత్రం మార్చి 28న, అంటే నిన్న ప్రపంచవ్యాప్తంగా విడుదలై మంచి సమీక్షలతో వైరల్ అవుతోంది. అయితే, ఈ చిత్రంలోని ‘అదిదా సర్ప్రైజు’ పాట అంత హిట్ అయింది. కానీ ఈ పాటలో కేతికా శర్మతో చేసిన హుక్ స్టెప్‌పై పెద్ద వివాదం నెలకొంది. ఈ వ్యవహారంపై మహిళా కమిషన్‌ స్పందించి, మహిళలతో వల్గర్ స్టెప్స్ వేయిస్తే చర్యలు తప్పవని వార్నింగ్ కూడా ఇచ్చింది.
‘అదిదా సర్ప్రైజు’ పాట చూసిన వాళ్లకు ధియెటర్‌లో నిజంగానే సర్ప్రైజ్ ఎదురైంది. వివాదాస్పదం అయిన హుక్ స్టెప్ సినిమాలో కనిపించలేదు. తెలివిగా కేతిక క్లోజప్ కనిపించేలా ఫ్రేమ్‌ను ఎడిట్ చేసి హుక్ స్టెప్ సినిమాలో కనిపించకుండా జాగ్రత్త పడింది టీం. ఇక ఈ స్టెప్ స్క్రీన్ మీద లేకపోయేసరికి యువ ప్రేక్షకులు మాత్రం ఒకింత నిరాశపడ్డారు. ఈ నేపథ్యంలో ఈ పాట స్టెప్స్‌కు సంబంధించి కరెక్షన్లు జరుగుతున్నట్లుగా టీం వర్గాలు హింట్ ఇచ్చాయి. మూవీ టీం తీసుకున్న ఈ నిర్ణయాన్ని ప్రేక్షకులు అభినందిస్తున్నారు.