మెగాస్టార్ చిరంజీవి, సెన్సేషనల్ దర్శకుడు అనిల్ రావిపూడి కాంబినేషన్లో ఓ సినిమా రూపొందనున్న సంగతి తెలిసిందే. ఈ సినిమాకు సంబంధించి ఒక ముఖ్యమైన అప్డేట్ వచ్చింది. ఈ సినిమా పూజ కార్యక్రమం ఉగాది రోజున జరగనుందని తెలుస్తోంది. ఈ వార్త మెగా అభిమానులను ఉత్సాహపరుస్తుంది. అనిల్ రావిపూడి దర్శకత్వం వహించిన చిత్రాలన్నీ సూపర్ హిట్ అయ్యాయి. ఈ నేపథ్యంలో ఈ సినిమాపై అభిమానుల్లో భారీ అంచనాలు నెలకొన్నాయి.
చిరు, అనిల్ రావిపూడి కాంబినేషన్లో వస్తున్న ఈ చిత్రం కామెడీ ఓరియెంటెడ్ గా ఉంటుందని, ప్రేక్షకులను కడుపుబ్బ నవ్విస్తుందని భావిస్తున్నారు. ఈ సినిమా షూటింగ్ జూన్ నుండి ప్రారంభమై 2026 సంక్రాంతికి విడుదల కానుందని సమాచారం. ఈ చిత్రాన్ని షైన్ స్క్రీన్ బ్యానర్పై సాహు గారపాటి నిర్మిస్తుండగా, భీమ్స్ సిసిరోలియో సంగీతం సమకూరుస్తున్నారు.