యంగ్ రెబల్ స్టార్ ప్రభాస్ వరుస సినిమాలతో ఫుల్ స్వింగ్ లో ఉన్నాడు. ఒకరకంగా చుస్తే ప్రభాస్ ఉన్నంత బిజీగా టాలీవుడ్ లో ఇతర హీరోలు ఎవరు లేరంటే అతిశయోక్తి కాదు, అంత బిజీగా ఉన్నాడు. బాహుబలి తర్వాత ప్రభాస్ వరుస సినిమాలను ఓకే చేశారు. సాహో, రాధేశ్యామ్. ఆదిపురుష్, సలార్ సినిమాలతో ఏడాదికి ఒక సినిమా చొప్పున రిలీజ్ చేసుకుంటూ వచ్చాడు డార్లింగ్. ఈ ఏడాది స్టార్టింగ్ లో నాగ్ అశ్విన్ దర్శకత్వంలో కల్కి సినిమాను రిలీజ్ చేసి బ్లాక్ బస్టర్ అందుకున్నాడు.
ప్రభాస్ ప్రస్తుతం 5 సినిమాలకు గ్రీన్ సిగ్నల్ ఇచ్చాడు. కొన్ని సినిమాలు సెట్స్పై ఉండగా, ప్రీ ప్రొడక్షన్ పనులు జరుగుతున్నాయి. ఆ సినిమాల వివరాలను పరిశీలిస్తే ప్రభాస్ ప్రస్తుతం మారుతి దర్శకత్వంలో రాజాసాబ్ చిత్రంలో నటిస్తున్నాడు. ప్రభాస్ తన కెరీర్లో తొలిసారి హారర్ కామెడీ సినిమా చేస్తున్నాడు. ఈ సినిమా షూటింగ్ చివరి దశలో ఉంది. ఈ సినిమాతో పాటు రాజాకర్ల కథాంశంతో రాఘవపూడి దర్శకత్వంలో ఓ సినిమా చేస్తున్నాడు. ఈ సినిమా తర్వాత సందీప్ రెడ్డి దర్శకత్వంలో పవర్ ఫుల్ పోలీస్ ఆఫీసర్ గా స్పిరిట్ చేస్తున్నాడు. నాల్గవ చిత్రం ప్రశాంత్ నీల్, మాస్ యాక్షన్ దర్శకుడు సాలార్-2 మరియు ఐదవది భారతీయ పురాణ ఇతిహాసాల ఆధారంగా కల్కి-2. ప్రభాస్ తన రాబోయే 5 సినిమాల కోసం 5 విభిన్న కథలను ఎంచుకుంటూ కొత్త పంథాలో పయనిస్తున్నాడు.