ఖమ్మం రూరల్ మండలం పొన్నెకల్‌లో విషాదం చోటుచేసుకుంది. షోలో డ్యాన్సర్ కావడానికి తానే కారణమంటూ కావ్యకల్యాణి(24) అనే యువతి ఆత్మహత్య చేసుకుంది. తనను పెళ్లి చేసుకుని మోసం చేసి ఇప్పుడు మరో యువతిని పెళ్లి చేసుకున్నాడని సెల్ఫీ వీడియోలో కావ్య కళ్యాణి పేర్కొంది.
‘నేను చచ్చిపోబోతున్నాను, నా చావుకి కారణం అభి, 5 సంవత్సరాల నుంచి నన్ను ప్రేమించానని చెప్పి పెళ్ళి చేసుకొని ఇంటికి తీసుకెళ్లాడు. ఇక ఇప్పుడు నన్ను వదిలేసి, మరో అమ్మాయిని తీసుకొచ్చి, నన్ను వెళ్లిపొమ్మన్నాడు.’ అంటూ యువతి సెల్ఫీ వీడియో ద్వారా తెలిపింది. అయితే, ఆలస్యంగా వెలుగు చూసిన ఈ ఘటన ఇప్పుడు ఇండస్ట్రీలో సంచలనంగా మారింది. ప్రస్తుతం ఖమ్మం పోలీసులు నిందితుడు అభిని అదుపులో తీసుకుని విచారిస్తున్నారు. ఈ ఘటనపై మరిన్ని వివరాలు తెలియాల్సి ఉంది.