టాలీవుడ్ యాక్టర్‌ గోపీచంద్, కావ్య థాపర్ జంటగా నటిస్తున్న సినిమా విశ్వం. శ్రీను వైట్ల ( దర్శకత్వంలో Gopichand 32గా తెరకెక్కుతుంది). గోపీమోహన్‌ స్క్రీన్‌ ప్లే సమకూరుస్తుండగా, చేతన్ భరద్వాజ్‌ మ్యూజిక్, బ్యాక్‌ గ్రౌండ్ స్కోర్‌ అందిస్తున్నాడు. కొన్ని రోజుల క్రితం జర్నీ ఆఫ్‌ విశ్వం వీడియోను విడుదల చేసిన విషయం తెల్సిందే. మళ్లీ చాలా రోజుల తర్వాత ఈ మూవీకి సంబంధించిన అప్‌డేట్‌ను టీజర్ రూపంలో శ్రీను వైట్ల టీం అందించింది. విశ్వం టీజర్‌ను రేపు సాయంత్రం 4:05 గంటలకు లాంచ్ చేయబోతున్నట్లు ట్విట్టర్ వేదికగా ప్రకటించారు.
టీజర్ కి సంబందించిన స్టైలిష్ లుక్‌తో ఉన్న గోపీచంద్ పోస్టర్ రిలీజ్ చేశారు. ప్రస్తుతం ఆ లుక్ నెట్టింట వైరల్ అవుతోంది. ఈ మూవీని చిత్రాలయం స్టూడియోస్ బ్యానర్‌పై పాపులర్‌ డిస్ట్రిబ్యూటర్‌ కమ్‌ ఎగ్జిబిటర్‌ వేణు దోనెపూడి పీపుల్‌ మీడియా ఫ్యాక్టరీతో కలిసి తెరకెక్కిస్తు్న్నారు. గింజ గింజపై తినేవాడి పేరు రాసి ఉంటుంది. దీనిపై నా పేరు ఉంది.. అంటూ ఫస్ట్ స్ట్రైక్‌లో గోపీచంద్ చెబుతున్న డైలాగ్స్‌ సినిమాపై సూపర్ హైప్‌ క్రియేట్ చేస్తున్నాయి. ఈ సారి గోపీచంద్ ఫుల్‌ లెంగ్త్‌ యాక్షన్‌ ప్యాక్‌డ్‌ రోల్‌లో కనిపించబోతున్నట్టు తెలుస్తుంది.