HHVM OTT: హరి హర వీరమల్లు సినిమా జూలై 24న విడుదలైంది. కానీ బాక్సాఫీస్ వద్ద పెద్దగా విజయం సాధించలేకపోయింది. సినిమాలోని VFX మరియు సెకండాఫ్ కథనం అభిమానులను నిరాశపరిచాయి. మేకర్స్ కొన్ని మార్పులు చేసి మళ్లీ కొత్త కంటెంట్‌తో రిలీజ్ చేసినా, ఉపయోగం లేకపోయింది. ఇప్పుడు ఈ సినిమా ఒక నెలలోనే ఓటీటీలోకి రాబోతుందన్న వార్తలు వినిపిస్తున్నాయి. అమెజాన్ ప్రైమ్‌ ఆగస్టు 22న, చిరంజీవి పుట్టినరోజున స్ట్రీమింగ్ ప్రారంభించవచ్చని టాక్. కానీ దీనిపై అధికారిక ప్రకటన రావాల్సి ఉంది.
సినిమా విడుదల తర్వాత మిక్స్‌డ్ టాక్ వచ్చినా, ఫస్ట్ వీకెండ్‌లో ప్రపంచవ్యాప్తంగా రూ.100 కోట్లకు పైగా గ్రాస్ వసూళ్లు వచ్చాయి. కానీ ఇండియాలో మాత్రం రూ.80 కోట్ల నెట్ వసూళ్లకే పరిమితమైంది. రోజురోజుకూ వసూళ్లు తగ్గుతూ ఉండటంతో, 100 కోట్లు వసూలు కావడం కష్టమేనని అంటున్నారు. ఈ నేపథ్యంలో, థియేటర్లలో వీరమల్లు ప్రదర్శనలు తగ్గే అవకాశం ఉంది. మరోవైపు జూలై 31న విడుదలైన కింగ్‌డమ్ సినిమాకు మంచి టాక్ రావడంతో, థియేటర్లు ఆ సినిమాకే మళ్లే అవకాశాలు కనిపిస్తున్నాయి.
Internal Links:
తమిళంలో మరో హిట్ కొట్టేసిన నిత్యామీనన్..
కింగ్‌డమ్ కొత్త సాంగ్ గూస్బంప్స్..
External Links:
వీరమల్లు బాక్సాఫీస్ ముగిసిందా? నెల రోజుల్లోపే ఓటీటీలోకి.. స్ట్రీమింగ్ డేట్ ఇదే!