సిద్దు జొన్నలగడ్డ, వైష్ణవి చైతన్య జంటగా బొమ్మరిల్లు భాస్కర్ దర్శకత్వంలో రూపొందుతున్న తాజా చిత్రం ‘జాక్’. కొంచెం క్రాక్ అనేది ట్యాగ్ లైన్. ఎస్‌వీసీసీ బ్యానర్‌పై బీవీఎస్ఎన్‌ ప్రసాద్ నిర్మిస్తున్న ఈ చిత్రం యొక్క టీజర్ మరియు ఒక పాట ఇప్పటికే విడుదలయ్యాయి. తాజాగా కిస్ అంటూ సాగే మరో పాటను మేకర్స్ విడుదల చేశారు.
భాగ్యనగరం అంతా.. అంటూ ముద్దు కోసం సాగిన ఈ పాటను సనారే రాయగా జావేద్ అలీ, అమల చేబోలు ఆల‌పించారు. సురేష్ బొబ్బిలి బాణీలు అందించారు. కాగా, ఈ మూవీ ఏప్రిల్ 10న ప్రేక్ష‌కుల ముందుకు రానుంది.