Jai Hanuman: విభిన్న జానర్లతో తనదైన దర్శకత్వ శైలిని నిరూపించుకున్న ప్రశాంత్ వర్మ ఇప్పుడు ఒక పవిత్రమైన ప్రయోజనంతో ముందుకు వస్తున్నారు. హనుమంతుని మహిమను, భారతీయ సంస్కృతిని కొత్త కోణంలో ప్రపంచానికి తెలియజేయాలనే సంకల్పంతో ఆయన డ్రీమ్ ప్రాజెక్ట్ ‘జై హనుమాన్’ రూపొందిస్తున్నారు. ఈ సినిమాలో హనుమంతుని జీవితం, ధైర్యం, భక్తి అన్నింటినీ సాంకేతికంగా మేళవిస్తూ ప్రెజెంట్ చేయాలని యూనిట్ లక్ష్యంగా పెట్టుకుంది. తాజా సమాచారం ప్రకారం స్క్రిప్ట్ పూర్తిగా లాక్ అయిందీ, వీఎఫ్‌ఎక్స్ ఆధారిత ప్రీ-ప్రొడక్షన్ దశ కూడా ముగింపు దశకు చేరుకుంది. హీరో రిషబ్ షెట్టి ప్రస్తుతం ‘కాంతార 2’ చిత్రాన్ని పూర్తి చేయాల్సినదే మిగిలి ఉంది. అది పూర్తయిన వెంటనే షూటింగ్ ప్రారంభమవుతుంది.
ఈ సినిమా సాధారణ భక్తి చిత్రంలా కాకుండా అత్యాధునిక విజువల్ ఎఫెక్ట్స్‌తో రూపొందనుందని సమాచారం. ‘హను మాన్’లో చూపించిన విజువల్స్‌ను మించి ఉండే స్థాయిలో ఈ ప్రాజెక్ట్ ఉంటుందని తెలుస్తోంది. దీనిపై ఇప్పటికే దేశవ్యాప్తంగా, అంతర్జాతీయంగా ఆసక్తి ఏర్పడుతోంది. ప్రశాంత్ వర్మ ప్రకారం, ఈ సినిమా హనుమంతుని గొప్పతనాన్ని ప్రపంచానికి తెలియజేయాలనే గొప్ప లక్ష్యంతో రూపొందుతున్నది. ఇది కేవలం భక్తితో కూడిన సినిమా కాకుండా, భారతీయ సంస్కృతిని ప్రతిబింబించే ఒక కల్చరల్ మానిఫెస్టోగా ఉంటుందంటూ ఆయన స్పష్టం చేశారు. ఈ లక్ష్యాన్ని సాధించేందుకు ఆయన గత కొన్ని సంవత్సరాలుగా పురాణాల నుంచి ఆధునిక టెక్నాలజీ వరకు విస్తృతంగా రీసెర్చ్ చేశారు.
Internal Links:
ప్రముఖ నటి రాధికా శరత్ కుమార్ కి అస్వస్థత..
వీరమల్లు బాక్సాఫీస్ ముగిసిందా? నెల రోజుల్లోపే ఓటీటీలోకి..