Kingdom Pre Release Event: రౌడి హీరో విజయ్ దేవరకొండ ప్రధాన పాత్రలో నటిస్తున్న ‘కింగ్డమ్’ సినిమా జూలై 31న గ్రాండ్ రిలీజ్‌కు సిద్ధమవుతోంది. ఇప్పటికే విడుదలైన పోస్టర్లు, టీజర్ భారీ అంచనాలు పెంచగా, ఇప్పుడు ఈ చిత్ర ప్రీ-రిలీజ్ ఈవెంట్‌కు మేకర్స్ సిద్ధమవుతున్నారు. తాజా సమాచారం ప్రకారం, జూలై 28న సాయంత్రం 5 గంటలకు హైదరాబాద్‌లోని యూసుఫ్‌గూడ పోలీస్ పరేడ్ గ్రౌండ్‌లో ఈ ఈవెంట్ ఘనంగా నిర్వహించనున్నారు. ఈ వేడుకకు టాలీవుడ్‌లోని ఒక స్టార్ హీరో ముఖ్య అతిథిగా హాజరవుతారని టాక్ వినిపిస్తోంది.
ఈ చిత్రాన్ని గౌతమ్ తిన్ననూరి దర్శకత్వం వహించగా, సితార ఎంటర్‌టైన్‌మెంట్స్ మరియు ఫార్చ్యూన్ ఫోర్ సినిమాస్ సంయుక్తంగా నిర్మించాయి. దాదాపు రూ. 100 కోట్ల భారీ బడ్జెట్‌తో రూపొందుతున్న ఈ సినిమాపై నిర్మాతలు నాగ వంశీ, సాయి సౌజన్య చాలా నమ్మకంగా ఉన్నారు. విజయ్ దేవరకొండతో పాటు భాగ్యశ్రీ బొర్సే హీరోయిన్‌గా నటిస్తుండగా, సత్యదేవ్ కీలక పాత్రలో కనిపించనున్నాడు. ప్రీ-రిలీజ్ ఈవెంట్ ద్వారా సినిమాపై మరింత హైప్ తెచ్చేందుకు మేకర్స్ ప్రత్యేకంగా ప్లాన్ చేస్తున్నారు. ఇప్పటికే అభిమానుల కోసం మోత మోగేలా ఏర్పాట్లు కొనసాగుతుండగా, ఈ ఈవెంట్‌లో తారల సందడి, లైవ్ పెర్ఫార్మెన్స్‌లు ప్రేక్షకులను అలరించనున్నాయి. విజయ్ దేవరకొండ స్పీచ్‌పై అభిమానుల్లో భారీ ఆసక్తి నెలకొంది.
Internal Links:
కమల్ హాసన్ రాజ్యసభ ఎంపీగా తమిళంలో ప్రమాణ స్వీకారం చేశారు.
ఎన్టీఆర్ ఫ్యాన్స్ కు సర్ ప్రైజ్..
External Links:
‘కింగ్డమ్’ ప్రీ రిలీజ్ ఈవెంట్.. ఎప్పుడంటే !