News5am, Latest Movie News (14-05-2025): టాలీవుడ్ యంగ్ హీరో రామ్ పోతినేని గురించి ప్రత్యేకంగా చెప్పనవసరం లేదు.
చాలా తక్కువ సమయంలోనే తనకంటూ ఓ మంచి గుర్తింపు తెచ్చుకున్నాడు. అయితే ఇటీవల కాలంలో వరుస పరాజయాల వల్ల కొంత వెనుకబడిపోయాడు. ‘ది వారియర్’, ‘స్కంద’, ‘డబుల్ ఇస్మార్ట్’ వంటి సినిమాలు ఆశించిన విజయాలు సాధించలేకపోయాయి. కొంత గ్యాప్ తీసుకున్న రామ్, ప్రస్తుతం దర్శకుడు మహేష్ బాబు పి దర్శకత్వంలో ఓ కొత్త సినిమాలో నటిస్తున్నాడు.
మైత్రి మూవీ మేకర్స్ నిర్మిస్తున్న ఈ భారీ ప్రాజెక్టులో రామ్ సరసన భాగ్యశ్రీ బోర్సే హీరోయిన్‌గా నటిస్తోంది. ప్రేమకథా నేపథ్యంలో తెరకెక్కుతున్న ఈ సినిమా, రామ్‌కు ఒక కొత్త మేకోవర్‌గా నిలవనుందని ఫిలింనగర్ టాక్.
ఇక ఈ సినిమాకు సంబంధించి ఒక ఆసక్తికరమైన వార్త ఇప్పుడు వైరల్ అవుతోంది. రామ్ పుట్టినరోజు సందర్భంగా మే 15న ఈ సినిమా టైటిల్ గ్లింప్స్ వీడియోను విడుదల చేయనున్నట్లు చిత్రబృందం అధికారికంగా ప్రకటించింది. అంతేకాక, మే 15 ఉదయం 10:08 నిమిషాలకు టైటిల్‌తో పాటు గ్లింప్స్ వీడియోను విడుదల చేయనున్నట్లు పేర్కొన్నారు. దీనితో పాటు ఓ స్పెషల్ పోస్టర్‌ను కూడా రివీల్ చేశారు. అయితే సినిమా టైటిల్ ఏమిటన్నది తెలుసుకోవాలంటే మరికొంత సమయం వేచి చూడాల్సిందే.
More Latest Movie News:
Latest movie News:
రికార్డులు బద్దలు కొట్టిన ‘అయ్యనా మానే’..
More Latest Telugu News: External Sources
#RAPO 22 : రామ్ పోతినేని 22 టైటిల్ గ్లింప్స్‌కి టైం ఫిక్స్..!