News5am Latest Telugu News(12/05/2025) : హీరోగా తనకంటూ ప్రత్యేకమైన గుర్తింపు తెచ్చుకున్న విశ్వక్ సేన్, రచయితగా, దర్శక నిర్మాతగా తన ప్రతిభను ఇప్పటికే నిరూపించుకున్నాడు. హీరోగా, దర్శకుడిగా ఇప్పటికే రెండు సినిమాలు తెరకెక్కించిన ఆయన, ఇప్పుడు తన మూడో చిత్రాన్ని ప్రారంభించాడు. ‘కల్ట్’ అనే టైటిల్‌తో ఈ సినిమాను రూపొందిస్తున్నట్టు అధికారికంగా ప్రకటించాడు. ఈ చిత్రానికి తానే హీరోగా నటిస్తుండగా, దర్శకత్వ బాధ్యతలు కూడా స్వయంగా నిర్వహిస్తున్నాడు. తన సొంత నిర్మాణ సంస్థ వన్మయి క్రియేషన్స్ పతాకంపై, తండ్రి కరాటే రాజుతో కలిసి సందీప్ కాకర్ల ఈ చిత్రాన్ని నిర్మిస్తున్నారు. హైదరాబాద్‌లోని రామానాయుడు స్టూడియోలో ఆదివారం పూజా కార్యక్రమాలతో ఈ సినిమా షూటింగ్‌ను ప్రారంభించారు. ఈ వేడుకలో నిర్మాత అల్లు అరవింద్ క్లాప్ ఇచ్చారు. బీఆర్ఎస్ నేత తలసాని శ్రీనివాస్ యాదవ్ కెమెరా స్విచ్ ఆన్ చేశారు.
మరో ప్రముఖ నిర్మాత ఎస్. రాధాకృష్ణ (చినబాబు) ఈ సినిమా టైటిల్ లోగోను విడుదల చేశారు. ఈ చిత్రం నిజ జీవిత ఘటనల ఆధారంగా రూపొందించబోతున్న న్యూ ఏజ్ థ్రిల్లర్ అని విశ్వక్ సేన్ తెలిపారు. అంతేకాక, ఈ సినిమా ద్వారా 40 మంది కొత్త నటులను పరిచయం చేస్తున్నట్లు ఆయన పేర్కొన్నారు. ఆదివారం నుంచే రెగ్యులర్ షూటింగ్ ప్రారంభించినట్టు చెప్పారు. ఈ చిత్రానికి దర్శకుడు తరుణ్ భాస్కర్ డైలాగ్స్ అందించగా, సంగీతాన్ని రవి బస్రూర్ అందిస్తున్నారు. దేశీయంగా మాత్రమే కాకుండా, అంతర్జాతీయ ప్రేక్షకులను కూడా ఆకట్టుకునే ఉద్దేశంతో ఈ సినిమాను తెలుగు, హిందీ, జపనీస్, స్పానిష్, ఇంగ్లీష్ భాషల్లో విడుదల చేయనున్నట్టు వెల్లడించారు.
Latest Telugu news
కర్ణాటక రాష్ట్రంలోని హుబ్లీలో దారుణం..
ఏపీ లిక్కర్ స్కాం కేసులో మరొకరు అరెస్టు..
More Telugu News : External Sources
https://www.v6velugu.com/-vishwak-sen-cult-begins-shooting-with-multi-language-release-plans