టాలీవుడ్ యంగ్ హీరోలలో వరుస సినిమాలతో సత్తా చాటుతున్న నేచురల్ స్టార్ నాని. తాజాగా విడుదలైన సరిపోదా శనివారంతో సూపర్ హిట్ అందుకున్నాడు. ప్రస్తుతం థియేటర్లలో ఉన్న ఈ సినిమా ప్రపంచ వ్యాప్తంగా కలెక్షన్లు రాబడుతోంది. దసరా, హాయ్ నాన్న, సరిపోదా శనివారంతో హ్యాట్రిక్ పేరు తెచ్చుకున్నాడు నాని. నాచురల్ స్టార్ సీనిమా అంటే మినిమం గ్యారెంటీ అన్న పేరు సంపాదించాడు ఈ కుర్ర హీరో.
‘సరిపోదా శనివారం’ సినిమా నుండి బయటకు వచ్చాడు నాని. అయితే నాని తదుపరి సినిమాపై ఇంకా క్లారిటీ లేదు. టాలీవుడ్ లో వినిపిస్తున్న సమాచారం ప్రకారం నాని తన తదుపరి చిత్రంలో పోలీస్ ఆఫీసర్ పాత్రలో కనిపించబోతున్నట్లు వార్తలు వస్తున్నాయి. నాని నిర్మాతగా శైలేష్ కొలను దర్శకత్వంలో హిట్(HIT) ఫ్రాంచైజీని తీసుకువచ్చాడు. మొదటి భాగంలో యువ హీరో విశ్వక్ సేన్ నటించగా, రెండవ భాగంలో అడివి శేష్ నటించాడు. మొదటి రెండు భాగాలు హిట్ కావడంతో హిట్ 3ని నిర్మించనున్నారు. నేచురల్ స్టార్ నాని ఈసారి పోలీస్ క్యారెక్టర్ నటించబోతున్నాడని తెలుస్తోంది. సెప్టెంబర్ 5న పూజా కార్యక్రమాలు ప్రారంభం కానున్నాయని యూనిట్ సభ్యులు తెలిపారు. మరోవైపు నాని నిర్మాతగా వాల్‌పోస్టర్‌ బ్యానర్‌పై మరో సినిమాను ప్రారంభించాడు. బలగం సినిమాతో నటుడిగా ఆకట్టుకున్న ప్రియదర్శి హీరోగా ‘స్టేట్ వర్సెస్ ఏ నోబడి’ చిత్రాన్ని ప్రారంభించాడు. ఇటు హీరోగా అటు నిర్మాతగా ఫుల్ బిజీగా ఉన్నాడు నేచురల్ స్టార్.