కోలీవుడ్ స్టార్ హీరో సూర్య, పూజా హెగ్డే ప్రధాన పాత్రల్లో నటిస్తున్న తాజా చిత్రం ‘రెట్రో’. ఈ చిత్రానికి కార్తీక్ సుబ్బరాజు దర్శకత్వం వహించగా, సూర్య తన హోమ్ బ్యానర్ పై నిర్మించారు. ఇప్పటికే విడుదలైన ప్రమోషనల్ కంటెంట్ కు ప్రేక్షకుల నుండి మంచి స్పందన వచ్చింది మరియు పాటలు వైరల్ అయ్యాయి. అయితే, పూజా హెగ్డే ‘రెట్రో’ సినిమాలో డీ-గ్లామరస్ పాత్రను పోషించింది. ఆమె పెద్దగా మేకప్ లేకుండా సహజమైన లుక్‌లో కనిపిస్తుంది. ఇటీవల విడుదలైన ట్రైలర్‌లో ఆమె లుక్స్ చాలా ఆకట్టుకుంటున్నాయి. ఈ చిత్రంలో సూర్య గ్యాంగ్‌స్టర్‌గా కనిపించాడు, కానీ ప్రేమకథపై కూడా దృష్టి పెడతాడు. వేసవి స్పెషల్‌గా మే 1న థియేటర్లలోకి రానున్న ఈ చిత్రం ప్రమోషన్లలో భాగంగా వరుస ఇంటర్వ్యూలలో పాల్గొంటుంది. ఇటీవల ఇచ్చిన ఇంటర్వ్యూలో నేచురల్ స్టార్ నాని గురించి ఆసక్తికరమైన వ్యాఖ్యలు చేశారు.
టాలీవుడ్‍లో ఏ హీరోతో సినిమా చేయాలనుకుంటున్నారని ప్రశ్నకు, పూజా ‘నానితో కలిసి ఏదో ఒక రోజు పని చేయాలని ఉంది. ఎందుకంటే నాని పర్ఫార్మెన్స్ అద్భుతంగా ఉంటుంది. ఆయన చిత్రాల్లో నాకు ‘నిన్ను కోరి’ సినిమా చాలా ఇష్టం. ఆ మూవీలో నాని యాక్టింగ్ చాలా బాగుంటుంది. తన ప్రతి ఒక మూవీలో ఏదో ఒక మ్యాజిక్ ఉంటుంది. తనతో వర్క్ చాలా కంఫర్టబుల్ ఉంటుందని విన్న’ అంటూ చెప్పుకొచ్చింది అలాగే తాను ఓ తెలుగు చిత్రానికి ఓకే చెప్పానని పూజా తెలిపింది. కానీ ఆ ప్రాజెక్టు గురించి వివరాలు చెప్పలేదు.