Saiyaara OTT: బాలీవుడ్ సెన్సేషన్ మూవీ ‘సైయారా’ (Saiyaara) 2025లో బిగ్గెస్ట్ బ్లాక్‌బస్టర్‌గా నిలిచింది. జూలై 18న ప్రపంచవ్యాప్తంగా విడుదలైన ఈ సినిమా ఇప్పటి వరకు రూ.541.13 కోట్లకు పైగా గ్రాస్ వసూలు చేసి, భారతదేశంలో రూ.319.85 కోట్ల నెట్ సాధించింది. రిలీజ్ అయ్యి 25 రోజులు గడిచినప్పటికీ ఇంకా అనేక థియేటర్లలో రన్ అవుతూ రికార్డుల వేట కొనసాగిస్తోంది. తొలి ప్రయత్నంలో నటీనటులతో ఇంత భారీ విజయం సాధించడం బాలీవుడ్‌లో ఇదే మొదటిసారి కావడం విశేషం. అలాగే, ఇండియన్ సినిమా చరిత్రలోనే అత్యధిక వసూళ్లు సాధించిన లవ్ స్టోరీగా నిలిచింది. యశ్ రాజ్ ఫిల్మ్స్ చరిత్రలో ఇది మూడవ అత్యధిక వసూళ్లు సాధించిన చిత్రం కాగా, షారుఖ్ ఖాన్ ‘పఠాన్’ (రూ.543.05 కోట్లు) మరియు సల్మాన్ ఖాన్ ‘టైగర్ జిందా హై’ (రూ.339.16 కోట్లు) తర్వాతి స్థానంలో నిలిచింది.
ఈ సెన్సేషనల్ మూవీ ఓటీటీలో ఎప్పుడు వస్తుందా? అనే ఉత్సుకతకు ముగింపు వచ్చింది. సైయారా డిజిటల్ ప్రీమియర్ హక్కులు నెట్‌ఫ్లిక్స్‌కు దక్కగా, థియేటర్లలో రన్ అవుతుండగానే ఓటీటీ వివరాలు బయటకు రావడం ఆసక్తికరంగా మారింది. యశ్ రాజ్ ఫిల్మ్స్ క్యాస్టింగ్ డైరెక్టర్ షానూ శర్మ తన ఇన్‌స్టాగ్రామ్ స్టోరీలో సైయారా సెప్టెంబర్ 12, 2025న నెట్‌ఫ్లిక్స్‌లో స్ట్రీమింగ్ కానుందని వెల్లడించారు. అయితే, ఈ తేదీని యశ్ రాజ్ ఫిల్మ్స్ తమ అధికారిక ట్విట్టర్ ద్వారా ప్రకటించాల్సి ఉంది.
Internal Links:
‘ది ప్యారడైజ్’.. నానిఫస్ట్ లుక్..
‘డేవిడ్ రెడ్డి’గా మంచు మనోజ్..
External Links:
ఇండియా బిగ్గెస్ట్ బ్లాక్‌బస్టర్ ఓటీటీలోకి వచ్చేస్తోంది.. ‘సైయారా’ స్ట్రీమింగ్ డేట్ ఇదే!