News5am, Telugu News Latest (03-06-2025): డైరెక్టర్ మారుతి దర్శకత్వంలో రెబల్ స్టార్ ప్రభాస్ హీరోగా వస్తున్న సినిమా “ది రాజాసాబ్”. సలార్, కల్కి సినిమాల తర్వాత ప్రభాస్ మరోసారి ఫ్యాన్స్‌ను అలరించేందుకు సిద్ధమవుతున్నారు. ఈ చిత్రానికి సంబంధించిన అప్‌డేట్స్ కోసం అభిమానులు ఉత్కంఠగా ఎదురుచూస్తున్నారు. టీజర్ త్వరలోనే వస్తుందనే వార్తల మధ్య, చిత్ర యూనిట్ తాజాగా అధికారికంగా టీజర్ విడుదల తేదీని ప్రకటించింది. జూన్ 16న ఉదయం 10:52కు టీజర్ విడుదల కానుందని తెలిపారు. ఈ వివరాలతో పాటు ప్రభాస్ తన ఇన్‌స్టాగ్రామ్‌లో పోస్టర్‌ను షేర్ చేశారు. అదే విధంగా, సినిమా విడుదల తేదీని కూడా ఖరారు చేశారు. డిసెంబర్ 5న వరల్డ్ వైడ్‌గా “ది రాజాసాబ్” రిలీజ్ కాబోతోంది. ఈ ప్రకటనతో పాటు కొత్త పోస్టర్‌ను విడుదల చేసి అభిమానుల్లో ఉత్సాహం పెంచారు.
ఈ చిత్రంలో నిధి అగర్వాల్, మాళవిక మోహనన్, రిద్ధి కుమార్ ముఖ్య పాత్రల్లో నటిస్తున్నారు. అలాగే బాలీవుడ్ సీనియర్ నటుడు సంజయ్ దత్ కూడా కీలక పాత్రలో కనిపించనున్నారు. ఈ పాన్-ఇండియన్ హర్రర్ కామెడీ చిత్రాన్ని UV క్రియేషన్స్ నిర్మిస్తుండగా, థమన్ సంగీతాన్ని అందిస్తున్నారు. మారుతి దర్శకత్వంలో రూపొందుతున్న ఈ సినిమాలో ప్రభాస్ మొదటిసారిగా హర్రర్ పాత్రలో కనిపించబోతున్నారు, ఇది అభిమానులకు కొత్త అనుభూతిని ఇస్తుందని cine circles చెబుతున్నాయి.
More Telugu News Latest Movies:
News Latest:
‘వీరమల్లు’ ట్రైలర్ డేట్ పై క్లారిటీ ఇచ్చిన నిర్మాత..
అఖిల్ మూవీలో అనన్య పాండే ఐటమ్ సాంగ్..
More Telugu News Latest: External Sources
ఇట్స్ అఫీషియల్.. రాజాసాబ్ టీజర్ రిలీజ్ డేట్ లాక్