Venkatesh Guest Role: ప్రముఖ నటుడు విక్టరీ వెంకటేశ్ తన రాబోయే చిత్రాలపై ఆసక్తికరమైన విషయాలను వెల్లడించి అభిమానుల్లో ఉత్సాహాన్ని నింపారు. అమెరికాలో జరిగిన ‘నాట్స్ 2025’ వేడుకల్లో పాల్గొన్న ఆయన, మెగాస్టార్ చిరంజీవి సినిమా గురించి వస్తున్న వార్తలకు తానే స్వయంగా ముహూర్తం చెప్పారు. చిరంజీవి హీరోగా అనిల్ రావిపూడి దర్శకత్వంలో తెరకెక్కనున్న ‘మెగా 157’ చిత్రంలో తాను అతిథి పాత్రలో (Venkatesh Guest Role) నటించబోతున్నట్లు వెల్లడించారు. తన పాత్ర హాస్య భరితంగా ఉంటుందని, ప్రేక్షకులకు మంచి నవ్వులు అందించగలదని తెలిపారు. దీంతో చిరంజీవి-వెంకటేశ్ కాంబినేషన్‌పై ఉన్న ఊహాగానాలకు ముగింపు పడింది. అలాగే ఈ సినిమాలో చిరంజీవి తన అసలు పేరు అయిన శివశంకర వరప్రసాద్ పాత్రలో కనిపించనున్నట్లు సమాచారం.
ఈ వేదికపై వెంకటేశ్ తన ఇతర ప్రాజెక్టుల వివరాలను కూడా పంచుకున్నారు. త్రివిక్రమ్ దర్శకత్వంలో ఓ సినిమా చేస్తున్నట్లు తెలిపారు. అలాగే మీనా జోడీగా ‘దృశ్యం 3’ ప్రాజెక్ట్‌లో కూడా నటించనున్నట్లు వెల్లడించారు. ఇంతేకాకుండా, అనిల్ రావిపూడితో మళ్లీ కలిసి పనిచేయనున్న మరో చిత్రానికి గ్రీన్ సిగ్నల్ ఇచ్చారని చెప్పారు. తెలుగు పరిశ్రమకు చెందిన తన స్నేహితుడైన ఓ ప్రముఖ హీరోతో కలిసి మరో భారీ ప్రాజెక్ట్‌లోనూ నటించబోతున్నట్లు పేర్కొన్నారు. ఇవన్నీ కలిపి అభిమానుల్లో భారీ స్థాయి ఆసక్తిని రేకెత్తించాయి. త‌నను నిరంతరం ఆదరిస్తున్న అభిమానుల‌కి హృద‌య‌పూర్వ‌కంగా కృత‌జ్ఞ‌త‌లు తెలిపారు.
Internal Links:
హరి హర వీరమల్లు రిలీజ్ డేట్ ఫిక్స్..
తొలిరోజే దుమ్ముదులిపిన కుబేర..
External Links:
చిరంజీవి సినిమాలో అతిథి పాత్రలో నటించడంపై వెంకటేశ్ క్లారిటీ