WAR 2 Trailer: జూనియర్ ఎన్టీఆర్, హృతిక్ రోషన్ కాంబినేషన్‌లో వస్తున్న భారీ యాక్షన్ థ్రిల్లర్ వార్-2 ట్రైలర్ విడుదలైంది. ఈ చిత్రాన్ని అయాన్ ముఖర్జీ దర్శకత్వంలో యష్ రాజ్ ఫిలిమ్స్ భారీ బడ్జెట్‌తో నిర్మిస్తోంది. ఆగస్టు 14న థియేటర్లలో విడుదల కానున్న నేపథ్యంలో ట్రైలర్ ద్వారా సినిమా హైప్‌ను పెంచుతున్నారు. ఈ ట్రైలర్‌ను జూనియర్ ఎన్టీఆర్, హృతిక్ రోషన్ 25 ఏళ్ల సినీ ప్రయాణానికి గుర్తుగా రిలీజ్ చేశారు. ఇందులో అత్యధికంగా యాక్షన్ సన్నివేశాలు ఆకట్టుకుంటున్నాయి. తొలి పార్టులో కనిపించిన హై ఓల్టేజ్ యాక్షన్‌కు ఏమాత్రం తగ్గకుండా ఈ సీక్వెల్‌ను రూపొందించినట్టు తెలుస్తోంది.
ట్రైలర్ చూస్తే ఎన్టీఆర్ అభిమానులకు ఇది ఒక ప్రత్యేకమైన ఆనందాన్ని కలిగిస్తోంది. ఎన్టీఆర్, హృతిక్ తలపడే సన్నివేశాలు గూస్ బంప్స్‌ రాబట్టేలా ఉన్నాయి. ఇదే రోజు రజినీకాంత్ నటించిన కూలీ మూవీ కూడా విడుదల కానుండటంతో వార్-2కి బలమైన పోటీ ఎదురవుతుంది. అయినా, ఎన్టీఆర్‌కు సౌత్‌లో ఉన్న ప్రభావం దృష్ట్యా ఈ సినిమా భారీగా దూసుకుపోయే అవకాశం ఉందని అంచనాలు వెల్లువెత్తుతున్నాయి.