News5am, Breaking Telugu News11 (09-05-2025): సోషల్ మీడియాలో వైరల్ అవుతున్న జమ్మూ కాశ్మీర్‌ శ్రీనగర్ విమానాశ్రయం సమీపంలో 10 పేలుళ్లు జరిగాయని పేర్కొంటున్న ఒక సంచలన వార్తపై ప్రెస్ ఇన్ఫర్మేషన్ బ్యూరో (PIB) ఫాక్ట్ చెక్ విభాగం క్లారిటీ ఇచ్చింది. అల్ జజీరా ఇంగ్లీష్ ప్రచురించినట్లు చెప్పుతూ సోషల్ మీడియాలో షేర్ అవుతున్న ఈ వార్తలోని సమాచారం పూర్తిగా అవాస్తవమని PIB స్పష్టం చేసింది. ఈ తప్పుడు నివేదిక వైరల్ కావడంతో ప్రజల్లో ఆందోళన నెలకొంది. కాగా, PIB ఈ రోజు చేసిన ట్వీట్‌లో “శ్రీనగర్ విమానాశ్రయం వద్ద పేలుళ్లు జరిగాయని వార్తల్లో పేర్కొనడం తప్పు. ఇది పూర్తిగా అసత్యం” అని పేర్కొంది.
జాతీయ భద్రతకు సంబంధించి ధృవీకరించని సమాచారం వల్ల ప్రజల్లో భయాందోళనలు పుడతాయని చెబుతూ, అధికారిక వర్గాలే నమ్మదగిన వనరులని PIB ప్రజలకు సూచించింది. అంతేగాక, ఇలాంటి అవాస్తవ కథనాలు తప్పుదోవ పట్టించేందుకు ఉద్దేశించబడి ఉంటాయని హెచ్చరిస్తూ, వాటిని నమ్మవద్దని కోరింది. ‘ఆపరేషన్ సింధూర్’, లైవ్ న్యూస్, భారత్–పాకిస్తాన్ సంబంధిత విషయాల్లో సరైన సమాచారం కోసం అధికారిక వనరులను మాత్రమే ఆశ్రయించాల్సిన అవసరం ఉందని తెలియజేసింది. సోషల్ మీడియాలో వచ్చే ప్రతి వార్తను గుడ్డిగా నమ్మకూడదని, ఒకటికి రెండుసార్లు ధృవీకరించుకోవాలని సూచించింది.
More News:
Breaking Telugu News11
శ్రీవారి ఆలయం మీదుగా ఐదు విమానాలు..
300 టోర్నీ క్వార్టర్స్‌‌‌‌‌‌‌‌‌‌‌‌‌‌‌‌లో ఆయుష్‌..
More Breaking Telugu New: External Sources
India Pak War : శ్రీనగర్ విమానాశ్రయం వద్ద పేలుళ్లు..? అదంతా ఫేక్‌.. PIB క్లారిటీ