తెలంగాణ రాష్ట్ర డిప్యూటీ సీఎం భట్టి విక్రమార్క నేడు మంచిర్యాల జిల్లాలో పర్యటించనున్నారు. ఈ పర్యటనలో మంత్రులు శ్రీధర్‌బాబు, ఉత్తమ్‌కుమార్‌రెడ్డి, పొన్నం ప్రభాకర్‌, సీతక్క కూడా పాల్గొంటారు. రాష్ట్ర మంత్రివర్గంలోని ఈ ఐదుగురు కీలక నాయకులు జిల్లాలోని వివిధ ప్రభుత్వ కార్యక్రమాల్లో పాల్గొంటారు. మంత్రి బృందం ఈరోజు ఉదయం 10 గంటలకు హైదరాబాద్ బేగంపేట విమానాశ్రయం నుండి హెలికాప్టర్‌లో బయలుదేరి 11 గంటలకు మంచిర్యాల చేరుకుంది. ఆయన అధికారులు మరియు సాధారణ ప్రజా ప్రతినిధులతో సమావేశమై ముఖ్యమైన కార్యక్రమాలలో పాల్గొన్నారు.
ఇందులో ప్రధానంగా డాక్టర్ బీఆర్ అంబేద్కర్ విగ్రహావిష్కరణ చేపట్టనున్నారు. ఆ తర్వాత నిర్మాణంలో ఉన్న ప్రభుత్వ సూపర్ స్పెషాలిటీ ఆసుపత్రి పరిశీలన చేపట్టనున్నారు. ఆపై ఇతర స్థానిక కార్యక్రమాల్లో పాల్గొనడం, ప్రజలతో కలిసి మాట్లాడనున్నారు. మధ్యాహ్నం 1:00 నుండి 1:30 గంటల వరకు విశ్రాంతి అనంతరం, 1:30 గంటలకు మంత్రుల బృందం మంచిర్యాల నుండి హెలికాప్టర్ ద్వారా బయలుదేరి మధ్యాహ్నం 2:30 గంటలకు బేగంపేట విమానాశ్రయానికి చేరుకుంటారు. ఈ పర్యటన ద్వారా మంచిర్యాల జిల్లాలోని అభివృద్ధి కార్యక్రమాల ప్రగతిని సమీక్షించడంతో పాటు ప్రజలతో నేరుగా కలిసే అవకాశం మంత్రులకు లభించనుంది.