విద్యార్థులకే మన ప్రజా ప్రభుత్వం తొలి ప్రాధాన్యత అని మంత్రి సీతక్క పేర్కొన్నారు. వారి సమస్యల పరిష్కారానికి అధికారులను నియమించారు. గిరిజన ఆశ్రమ పాఠశాలలు, హాస్టళ్లు, గురుకుల సంస్థలు, విద్యా మౌలిక సదుపాయాలు, భోజన వసతి తదితర అంశాలపై మంత్రి సీతక్క సచివాలయంలో వీడియో కాన్ఫరెన్స్ నిర్వహించారు. ఈ వీడియో కాన్ఫరెన్స్లో ఎస్టీ సంక్షేమ శాఖ కార్యదర్శి శరత్, గురుకులాల కార్యదర్శి సీతాలక్ష్మి, ఐటీడీఏ పీఓలు, డిప్యూటీ డైరెక్టర్లు, జిల్లా గిరిజన సంక్షేమ శాఖ అధికారులు, విద్యాసంస్థల హెడ్ మాస్టర్లు, వార్డెన్లు పాల్గొన్నారు.
పదేళ్లుగా పెండింగ్లో ఉన్న ఉపాధ్యాయుల పదోన్నతులు, బదిలీలు పూర్తి చేశామని, ఉపాధ్యాయులు, ఇతర సిబ్బంది సమస్యలను పరిష్కరిస్తామన్నారు. విధుల పట్ల నిర్లక్ష్యం వహిస్తే చర్యలు తీసుకుంటామని హెచ్చరించారు. వర్షాకాలంలో పిల్లల ఆరోగ్యం పట్ల ఉపాధ్యాయులు, వార్డెన్లు జాగ్రత్తలు తీసుకోవాలని సూచించారు. హాస్టల్లోని ప్రత్యేక వాగుల వద్దకు వెళ్లి విద్యార్థులు అక్కడికి వెళ్లకుండా చూడాలన్నారు. విద్యార్థులకు జ్వరం వస్తే ఇంటికి పంపించకుండా మెరుగైన వైద్యం అందించాలన్నారు. హాస్టల్ విద్యార్థులను మీ పిల్లల్లాగే చూసుకోండి, హాస్టళ్లలో విద్యార్థులు తమ సొంత ఇల్లులా భావించాలన్నారు.