News5am, Breaking News Telugu (14-06-2025): ఇండియా హాకీ టీమ్ నాలుగు వరుస పరాజయాల తర్వాత మళ్లీ ఎఫ్‌ఐహెచ్ ప్రో లీగ్ పోరుకు సిద్ధమవుతోంది. శనివారం జరిగే కీలక మ్యాచ్‌లో బలమైన ఆస్ట్రేలియాతో తలపడనుంది. యూరోప్ లెగ్‌లో ఇప్పటివరకు ఇండియా గేమ్ తక్కువ స్థాయిలో ఆడింది. నెదర్లాండ్స్‌తో జరిగిన రెండు మ్యాచ్‌ల్లోనూ 1–2, 2–3 తేడాలతో ఓటమి పాలైంది. అలాగే అర్జెంటీనాతో జరిగిన మ్యాచ్‌ల్లో కూడా జట్టు అదే వైఫల్యాన్ని కొనసాగించింది. ఇప్పటి వరకు 12 మ్యాచ్‌ల్లో 15 పాయింట్లతో ఇండియా ఐదో స్థానంలో ఉంది. ఆసీస్‌పై గెలిస్తే టాప్-3లోకి వెళ్లే అవకాశం ఉంది.
ఈ గేమ్ ఇండియా కోసం చాలా కీలకం అని కెప్టెన్ హర్మన్‌ప్రీత్ సింగ్ తెలిపాడు. గత నాలుగు మ్యాచ్‌ల్లో గెలుపు అవకాశాలను చేజార్చామని, స్ట్రాటజీ మార్చి కొత్తగా ఆడతామని చెప్పాడు. ముఖ్యంగా పెనాల్టీ కార్నర్లు సరిగ్గా వాడుకోలేకపోవడం, ఆలస్యంగా గోల్స్ చేయడం, డిఫెన్స్‌లో పొరపాట్లు తలెత్తడం కారణంగా జట్టు ఓటమిపాలవుతోందని అంగీకరించాడు. పారిస్ ఒలింపిక్స్ లీగ్ దశలో ఆసీస్‌ను ఓడించిన అనుభవంతో ఈసారి కూడా అదే ఆటతీరు కనబరిచేందుకు జట్టు భావిస్తోంది. జూన్ 21, 22న బెల్జియంతో జరగబోయే రెండు మ్యాచ్‌లతో యూరోప్ లెగ్ ముగించనుంది.
More News Telugu:
Breaking Telugu:
నేటి నుంచి ఇండియా ఇంట్రా స్క్వాడ్‌ వామప్‌ మ్యాచ్..
ఐదు మ్యాచ్‌ల సిరీస్ కోసం టీం ఇండియా ఇంగ్లాండ్ చేరుకుంది..
More Breaking News Telugu: External Sources
గెలిస్తేనే.. నిలిచేది.. ఆస్ట్రేలియాతో ఇవాళ (జూన్ 13) ఇండియా కీలక మ్యాచ్