News5am, Latest News Breaking (04-06-2025): రాయల్ ఛాలెంజర్స్ బెంగళూరు జట్టుతో విరాట్ కోహ్లీకి ఉన్న అనుబంధం చాలా ప్రత్యేకం. ఐపీఎల్ ప్రారంభం నుంచి అదే జట్టుకు ఆడుతున్న కోహ్లీ ఇప్పటికీ బెంగళూరును వదలకుండా కొనసాగుతున్నాడు. జట్టు బలహీనంగా ఉన్నప్పుడు, ఓటములు ఎదురైనప్పటికీ, విమర్శలు, ట్రోల్స్ వచ్చినా, తన జట్టును వదలకుండా ప్రతి సీజన్‌లో ట్రోఫీ కోసం పోరాడుతూ వచ్చాడు. 17 సీజన్లలో మూడు సార్లు ఫైనల్‌కు చేరినా, ట్రోఫీ దక్కలేదు. కానీ 18వ సీజన్‌లో ఎట్టకేలకు కోహ్లీ తన ఐపీఎల్ ట్రోఫీ కలను నెరవేర్చాడు. జూన్ 3న నరేంద్ర మోడీ స్టేడియంలో పంజాబ్ కింగ్స్‌పై విజయం సాధించి మొదటిసారి ఆర్సీబీ టైటిల్ గెలుచుకుంది. ఆఖరి నాలుగు బంతులకు 29 పరుగుల అవసరం ఉన్న సమయంలో కోహ్లీ చూపిన ఫైటింగ్ స్పిరిట్ అందరినీ ఆకట్టుకుంది. విజయం అనంతరం కోహ్లీ మోకాళ్లపై కూర్చొని భావోద్వేగానికి లోనయ్యాడు. కెప్టెన్ రజత్ పటిదార్ ట్రోఫీ గెలిచిన తర్వాత కోహ్లీకి అందించడం ఓ హైలైట్‌గా నిలిచింది.
మ్యాచ్ తర్వాత కోహ్లీ భావోద్వేగంగా స్పందించాడు. “నా యవ్వనాన్ని, అనుభవాన్ని, ప్రాధాన్యతను ఆర్సీబీకి అంకితం చేశాను. 18 సీజన్లుగా నేను జట్టుకు అన్నీ ఇచ్చాను. జట్టు నన్ను నమ్మింది, అభిమానులు నాపై నమ్మకంతో నిలిచారు. ఈ టైటిల్ నాకు జీవితంలో ఎంతో ప్రత్యేకం” అని అన్నాడు. ఈ మ్యాచ్‌లో కోహ్లీ 35 బంతుల్లో 43 పరుగులు చేసి టాప్ స్కోరర్‌గా నిలిచాడు. ఫైనల్‌ మ్యాచ్‌లో మొదట బ్యాటింగ్ చేసిన బెంగళూరు జట్టు 20 ఓవర్లలో 9 వికెట్లు కోల్పోయి 190 పరుగులు చేసింది. లక్ష్యాన్ని ఛేదించేందుకు వచ్చిన పంజాబ్ కింగ్స్‌ జట్టు 7 వికెట్లకు 184 పరుగులు మాత్రమే చేసి ఓడిపోయింది. 17 ఏళ్ల నిరీక్షణ తర్వాత 18వ సీజన్‌లో ఆర్సీబీ తొలిసారి టైటిల్‌ను దక్కించుకుంది.
More Latest News Breaking:
Latest News Breaking:
నేటి సాయంత్రం 6గంటలకి ఐపీఎల్ ముగింపు వేడుకలు..
ఎన్నో ఏళ్ల కలకు ఐపీఎల్ 2025లో విరాట్ చేరువయ్యాడు..
More Latest News Breaking: External Sources
IPL 2025 Final: RCB కోసం 18 ఏళ్లుగా చేయగలిగినదంతా చేశా: ఐపీఎల్ టైటిల్ గెలిచాక కోహ్లీ ఎమోషనల్