News5am, Telugu News Online News (12/05/2025) : డైమండ్ లీగ్‌లో ఈసారి భారత అథ్లెట్లకు విశేష ప్రాతినిధ్యం లభించింది. మే 16న దోహాలో జరిగే ఈ లీగ్‌లో ఒలింపిక్ స్వర్ణ పతక విజేత నీరజ్ చోప్రా నేతృత్వంలో నలుగురు భారత అథ్లెట్లు పోటీ పడనున్నారు. గతంలో దోహా లీగ్‌లో మంచి ప్రదర్శనలతో ఆకట్టుకున్న నీరజ్ ఈ ఏడాది కూడా జావెలిన్ విభాగంలో పాల్గొంటున్నాడు. అతనితో పాటు కిషోర్ జెనా కూడా ఈ విభాగంలో పోటీకి సిద్ధమవుతున్నాడు. ఈ విభాగంలో ఆండర్సన్ పీటర్స్ (గ్రెనాడా), జకుబ్ వాడ్లెచ్ (చెక్ రిపబ్లిక్), జర్మనీకి చెందిన జూలియన్ వెబర్, మ్యాక్స్ డెహ్నింగ్, కెన్యా ఆటగాడు జూలియస్ యెగో, జపాన్‌కు చెందిన రోడరిక్ జెన్‌కీ డీన్ లాంటి అగ్రశ్రేణి ఆటగాళ్లు పాల్గొంటున్నారు.
భారతదేశపు 5000 మీటర్ల జాతీయ రికార్డు విజేత గుల్వీర్ సింగ్ తొలిసారి డైమండ్ లీగ్‌లో పాల్గొంటుండగా, మహిళల 3000 మీటర్ల స్టీపుల్‌చేస్‌ జాతీయ రికార్డు దారిణి పరుల్ చౌదరి కూడా ఈ పోటీలో పోటీ పడనుంది. ఈ ఇద్దరి ప్రదర్శనల పట్ల భారత క్రీడాభిమానులు ఆశాభావంతో ఎదురుచూస్తున్నారు. వీరి అద్భుత ప్రదర్శన భారత అథ్లెటిక్స్‌కు గర్వకారణంగా నిలుస్తుందని విశ్లేషకులు భావిస్తున్నారు.
Latest Telugu News:
Telugu News Online News