Neeraj Chopra beats Julian Weber: భారత జావెలిన్ త్రో స్టార్ అథ్లెట్ నీరజ్ చోప్రా మరోసారి చరిత్రను తిరగరాశాడు. ఫ్రాన్స్‌లోని పారిస్‌లో జూన్ 20న జరిగిన డైమండ్ లీగ్ పోటీల్లో, తొలి ప్రయత్నంలోనే 88.16 మీటర్లు విసిరి గోల్డ్ మెడల్ గెలుచుకున్నాడు. ఈ త్రోతోనే జర్మనీలోని టాప్ జావెలిన్ త్రోయర్ జూలియన్ వెబర్‌ను వెనక్కి నెట్టి విజేతగా నిలిచాడు. రెండవ ప్రయత్నంలో 85.10 మీటర్లు విసిరినప్పటికీ, తదుపరి మూడు ట్రైలు ఫౌల్స్ అయ్యాయి. చివరి ప్రయత్నంలో మాత్రం ఆయన 82.89 మీటర్ల త్రో నమోదు చేశాడు. అయినప్పటికీ, మొదటి త్రోలో చేసిన అత్యుత్తమ ప్రదర్శన కారణంగా ఆయనకు విజయం దక్కింది.
జర్మన్ అథ్లెట్ వెబర్ మొదటి త్రోలో 87.88 మీటర్లకే పరిమితమయ్యాడు, తద్వారా రెండవ స్థానాన్ని పొందాడు. బ్రెజిల్‌కు చెందిన లూయిస్ మారిసియో డ సిల్వా 86.62 మీటర్ల త్రోతో మూడవ స్థానాన్ని సంపాదించాడు. గతంలో దోహా డైమండ్ లీగ్లో నీరజ్ 90 మీటర్లు త్రో చేసినప్పటికీ, ఆ పోటీలో వెబర్ 91.06 మీటర్లతో గోల్డ్ మెడల్ గెలిచాడు. కానీ ఇప్పుడు, పారిస్ లీగ్లో అదే వెబర్‌ను ఓడించి, నీరజ్ చోప్రా గోల్డ్ మెడల్ సాధించడం ప్రత్యేక ఘనత. ఈ విజయంతో అతను తన స్థిరమైన ఫామ్‌ను కొనసాగిస్తూ, ప్రపంచ స్థాయిలో భారత జెవెలిన్ దూకుడు చూపించాడు.
Internal Links:
నేడు ఇంగ్లండ్, భారత్ మధ్య తొలి టెస్టు ఆరంభం..
చెల్సీ ఆటగాడు మైఖైలో ముద్రిక్‌పై డోపింగ్ నిబంధనలు ఉల్లంఘించినందుకు అభియోగం నమోదైంది.
External Links:
చరిత్ర సృష్టించిన నీరజ్ చోప్రా.. పారిస్ డైమండ్ లీగ్లో తొలి ప్రయత్నంలోనే గోల్డ్ మెడల్