Virat Kohli New Tattoo

Virat Kohli New Tattoo: ఐపీఎల్ 2026 సీజన్‌కు ముందు విరాట్ కోహ్లీ కొత్త టాటూ వేయించుకున్నాడు. ఇప్పటికే అతని చేతిపై చాలా టాటూలు ఉన్నప్పటికీ, ఇప్పుడు మరో కొత్త టాటూను జోడించాడు. ఈ సీజన్‌లో తొలిసారి ఐపీఎల్ ఛాంపియన్‌గా బరిలోకి దిగుతున్న కోహ్లీ, తన వ్యక్తిత్వ మార్పును చూపించేందుకు పాత టాటూలను కొత్తగా డిజైన్ చేయించుకున్నాడు. ‘ఏలియన్స్ టాటూ ఇండియా’లో ఈ టాటూ వేయించగా, వారు షేర్ చేసిన వీడియో సోషల్ మీడియాలో వైరల్ అయింది. శివుని స్ఫూర్తితో ఉన్న బాహుబంధం టాటూను మరింత స్పష్టంగా, ఆకర్షణీయంగా మార్చారు.

ఈ టాటూ గురించి ‘ఏలియన్స్ టాటూ ఇండియా’ ప్రతినిధులు మాట్లాడుతూ, ఇది కేవలం స్టైల్ కోసం కాదు, కోహ్లీ జీవిత ప్రయాణానికి ప్రతిబింబమని చెప్పారు. గతంతో పోలిస్తే కోహ్లీ చాలా మారారని, తన క్రమశిక్షణ, నమ్మకంతో ఎదిగిన విధానాన్ని ఇది చూపిస్తుందని తెలిపారు. ముందుగా అతని చేతిపై ఉన్న కొన్ని టాటూలు మసకబారడంతో, వాటిని సరిచేసి కొత్త డిజైన్‌లో కలిపారు. పాత టాటూలలో కొన్నింటిని కవర్ చేసి, మరికొన్నింటిని మెరుగుపరచి, మొత్తం కలిసి ఒక ఫుల్ స్లీవ్ టాటూగా రూపొందించారు. ఇది కోహ్లీ ప్రస్తుత జీవనశైలిని మరియు అతని మార్పును స్పష్టంగా చూపిస్తుంది.

“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.