WI vs AUS: బాసెటెర్ వేదికగా జూలై 25న జరిగిన మూడవ టీ20లో ఆస్ట్రేలియా 6 వికెట్ల తేడాతో వెస్టిండీస్‌పై ఘన విజయం సాధించింది. విండీస్ నిర్దేశించిన 215 పరుగుల భారీ లక్ష్యాన్ని కేవలం 16.1 ఓవర్లలో 6 వికెట్లు మిగిలి ఉండగానే ఛేదించి ఆసీస్ సిరీస్‌ను కైవసం చేసుకుంది. ఈ మ్యాచ్‌లో ఆస్ట్రేలియా తరఫున టిమ్ డేవిడ్ చరిత్ర సృష్టించాడు. అతడు కేవలం 37 బంతుల్లోనే 6 ఫోర్లు, 11 సిక్సర్లతో 102 పరుగులు చేసి నాటౌట్‌గా నిలిచాడు. మిచెల్ ఓవెన్ కూడా 16 బంతుల్లో 36 పరుగులతో ఆత్మవిశ్వాసం నింపాడు. 87/4 వద్ద క్రీజులోకి వచ్చిన ఈ జంట మరో వికెట్ కోల్పోకుండా విజయం అందించింది. టిమ్ డేవిడ్ మ్యాన్ ఆఫ్ ది మ్యాచ్ మరియు మోస్ట్ వాల్యూబుల్ ప్లేయర్‌గా నిలిచాడు.
మ్యాచ్ ఆరంభంలో టాస్ ఓడి ముందుగా బ్యాటింగ్ చేసిన వెస్టిండీస్, కెప్టెన్ శై హోప్ 57 బంతుల్లో 8 ఫోర్లు, 6 సిక్సర్లతో 102 పరుగులు చేయగా, బ్రాండన్ కింగ్ 36 బంతుల్లో 62 పరుగులు చేశాడు. వీరిద్దరి రాణింపుతో విండీస్ నిర్ణీత 20 ఓవర్లలో 4 వికెట్లు కోల్పోయి 214 పరుగులు చేసింది. ఆసీస్ బౌలర్లలో నాథన్ ఎలిస్, మిచెల్ ఓవెన్, జాంపా చెరో వికెట్ తీశారు. ఆస్ట్రేలియా జట్టుకు ప్రారంభంలో కొంత ఒడిదుడుకులు ఎదురైనా టిమ్ డేవిడ్ ధాటిగా ఆడి మ్యాచ్‌ను ఒకవైపు తిప్పేశాడు. విండీస్ బౌలర్లు ఈ మ్యాచ్‌లో తీవ్రంగా విఫలమయ్యారు. రోమారియో షెపర్డ్ రెండు వికెట్లు తీసినా, 12.3 ఎకానమీ రేట్‌తో ప్రభావం చూపలేకపోయాడు.
Internal Links:
External Links:
సిక్సుల వర్షం కురిపించిన టిమ్ డేవిడ్.. విండీస్‌పై ఆసీస్ విజయం.. సిరీస్ సొంతం.!