India Welcomes Us Designation Of Trf: పహల్గామ్‌లో జరిగిన ఉగ్రదాడికి పాల్పడిన లష్కరే తోయిబా అనుబంధ సంస్థ ది రెసిస్టెన్స్ ఫ్రంట్ (TRF)ను అమెరికా ఉగ్రవాద సంస్థగా ప్రకటించింది. ఈ నిర్ణయాన్ని భారత ప్రభుత్వం స్వాగతించింది. ఇది భారత్-అమెరికా ఉగ్రవాద వ్యతిరేక సహకారానికి బలమైన సంకేతమని భారత విదేశాంగ మంత్రి ఎస్. జైశంకర్ అభిప్రాయపడ్డారు. అమెరికా విదేశాంగ కార్యదర్శి మార్కో రూబియో మరియు ఆయన విభాగం చేసిన కృషిని జైశంకర్ ప్రశంసించారు. ఏప్రిల్ 22న పహల్గామ్‌లో జరిగిన దాడిలో 26 మంది అమాయకులు ప్రాణాలు కోల్పోయారు. ఈ ఘటన తర్వాత మే 7న భారత్ ‘ఆపరేషన్ సిందూర్’ ప్రారంభించి 100 మంది ఉగ్రవాదులను హతమార్చింది. అంతేకాదు, పాకిస్థాన్‌లోని వైమానిక స్థావరాలను ధ్వంసం చేసింది. దాడి అనంతరం అమెరికా రక్షణ కార్యదర్శి పీట్ హెగ్సేత్, భారత రక్షణ మంత్రి రాజ్‌నాథ్ సింగ్‌తో మాట్లాడి మృతుల కుటుంబాలకు సంతాపం తెలియజేశారు మరియు భారత్‌కు తమ మద్దతును వెల్లడించారు.
ఈ నేపథ్యంలో కాంగ్రెస్ ఎంపీ శశి థరూర్ నేతృత్వంలోని భారత ప్రతినిధి బృందం వాషింగ్టన్‌లో పర్యటించింది. వారు అమెరికా ఉపాధ్యక్షుడు జేడీ వాన్స్‌ను కలుసుకొని పహల్గామ్ దాడికి భారత ప్రభుత్వం ఇచ్చిన ప్రతిస్పందన, ఆపరేషన్ సిందూర్ వివరాలు తెలియజేశారు. ఈ సమావేశంలో భారత్ తీసుకున్న కఠిన చర్యల గురించి వివరించి, అమెరికా సహకారం కొనసాగాలని సూచించారు.
Internal Links:
భారత్‌తో వాణిజ్య ఒప్పందంపై ట్రంప్ కీలక వ్యాఖ్యలు..
External Links:
టీఆర్ఎఫ్‌ను అమెరికా ఉగ్ర సంస్థగా గుర్తించడాన్ని స్వాగతించిన భారత్