Trump-Maduro: వెనిజులా అధ్యక్షుడు నికోలస్ మదురోతో ట్రంప్ హఠాత్తుగా ఫోన్లో మాట్లాడటం అందరికీ ఆశ్చర్యం కలిగించింది. ఇటీవల అమెరికా వెనిజులా నుంచి ఇతర దేశాలకు వెళ్లే డ్రగ్ స్మగ్లింగ్ పడవలపై దాడులు చేయడంతో రెండు దేశాల మధ్య ఉద్రిక్తతలు పెరిగాయి. ఈ కాల్లో మదురో దేశం విడిచి వెళ్లడానికి ట్రంప్ అవకాశం కల్పించాడని, తక్షణ రాజీనామా చేసి దేశం విడిచిపోవాలని సూచించాడని సమాచారం. అయితే మదురో ప్రపంచవ్యాప్తంగా క్షమాభిక్షతో పాటు సాయుధ దళాల నియంత్రణ తన వద్దనే ఉండాలని కోరాడు. కానీ వెంటనే రాజీనామా చేసి దేశం విడిచి వెళ్లడం మాత్రం నిరాకరించాడు.
ఈ చర్చలు విఫలం కావడంతో ట్రంప్ కఠినంగా స్పందించినట్లు తెలుస్తోంది. అమెరికా త్వరలో వెనిజులాలో సైనిక చర్యలు చేపడుతుందని హెచ్చరించాడు. వెనిజులా విమాన మార్గాలను అమెరికా మూసివేయగా, యూఎస్ఎస్ గెరాల్డ్ సహా భారీ సైనిక వాహక నౌకలను వెనిజులా తీరంలో మోహరించినట్లు సమాచారం. దీనిపై మదురో తీవ్ర అభ్యంతరం వ్యక్తం చేస్తూ ఇది దురాక్రమణ చర్య అని, వెనిజులా చమురు సంపదను హస్తగతం చేసుకోవాలన్న అమెరికా కుట్ర అని ఆరోపించాడు.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
పుతిన్ యుద్ధాన్ని ఎందుకు సాగదీస్తున్నారో అర్థం కావడం లేదు…
ఇజ్రాయెల్ నుంచి ట్రంప్కు అత్యున్నత గౌరవం: ‘ప్రెసిడెన్షియల్ మెడల్ ఆఫ్ ఆనర్’ ప్రకటింపు
External Links:
వెనిజులా అధ్యక్షుడితో ట్రంప్ సంభాషణ.. మేటర్ సీరియస్ అవుతోందా?