US-Venezuelan: 2026 జనవరి ప్రారంభంతోనే ప్రపంచంలో ఉద్రిక్తతలు పెరిగాయి. ఇప్పటివరకు మాటలకే పరిమితమైన అమెరికా–వెనిజులా వివాదం ఇప్పుడు బాంబు దాడుల వరకు చేరింది. జనవరి 3 తెల్లవారుజామున అమెరికా యుద్ధ విమానాలు వెనిజులా రాజధాని కారకాస్పై దాడులు చేశాయని వార్తలు వచ్చాయి. అర్థరాత్రి తర్వాత కారకాస్పై విమానాలు తిరుగుతూ, ముఖ్యంగా పోర్టులను లక్ష్యంగా చేసుకుని బాంబులు వేసినట్లు సమాచారం. ఈ దాడులకు సంబంధించిన వీడియోలు సోషల్ మీడియాలో వైరల్ అవుతున్నాయి. అయితే దీనిపై అమెరికా, వెనిజులా ప్రభుత్వాలు ఇంకా అధికారికంగా స్పందించలేదు.
కొన్ని రోజులుగా అమెరికా, వెనిజులా మధ్య ఉద్రిక్తతలు కొనసాగుతున్నాయి. వెనిజులా నుంచి అమెరికాకు డ్రగ్స్ అక్రమ రవాణా జరుగుతోందని ట్రంప్ ఆరోపించగా, దానిపై ఒప్పందానికి సిద్ధమని వెనిజులా అధ్యక్షుడు నికోలస్ తెలిపారు. కానీ డ్రగ్స్ పేరుతో అమెరికా అసలు లక్ష్యం చమురేనని నికోలస్ వ్యాఖ్యానించడంతో పరిస్థితి మరింత ఉద్రిక్తంగా మారింది. ఈ నేపథ్యంలో కారకాస్పై జరిగిన ఎయిర్ స్ట్రయిక్స్తో మరో యుద్ధం మొదలైందా అనే చర్చ సోషల్ మీడియాలో మొదలైంది.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
అమెరికా మళ్లీ యుద్ధం మొదలుపెట్టింది…
ప్రధాని మోదీకి ఇథియోపియా అత్యున్నత పురస్కారం..
External Links:
మరో యుద్ధం మొదలైంది: వెనిజులా రాజధాని కారకాస్పై అమెరికా బాంబు దాడులు