Bank of Baroda Recruitment 2025: బ్యాంక్ ఉద్యోగాల కోసం ఎదురుచూస్తున్న అభ్యర్థులకు శుభవార్త. బ్యాంక్ ఆఫ్ బరోడా అసిస్టెంట్ మేనేజర్, డిప్యూటీ మేనేజర్, సైబర్ సెక్యూరిటీ రిస్క్ తదితర విభాగాల్లో మొత్తం 330 ఖాళీలను భర్తీ చేయనుంది. ఇందుకు సంబంధించి అధికారిక నోటిఫికేషన్ విడుదలైంది. ఈ పోస్టులకు దరఖాస్తు చేసుకోవాలంటే అభ్యర్థులు గుర్తింపు పొందిన సంస్థ నుంచి కంప్యూటర్ సైన్స్‌లో BE, BTech, ME, MTech, BSc లేదా MSc డిగ్రీలు కలిగి ఉండాలి. అలాగే, ప్రతీ పోస్టుకు అనుగుణంగా నిర్దేశించిన ఇతర అర్హతలు కూడా ఉండాలి.
ప్రతి పోస్టు ప్రకారం అభ్యర్థుల కనీస వయస్సు 22 నుంచి 31 సంవత్సరాల మధ్యగా ఉండాలి. గరిష్ట వయస్సు పోస్టును బట్టి 32 నుంచి 48 సంవత్సరాల వరకు నిర్ణయించారు. వయోపరిమితిలో ఎస్సీ, ఎస్టీ అభ్యర్థులకు 5 సంవత్సరాలు, ఓబీసీ అభ్యర్థులకు 3 సంవత్సరాలు, దివ్యాంగులకు 10 సంవత్సరాల వరకు సడలింపులు ఉన్నాయి. దరఖాస్తు ఫీజు జనరల్, EWS, OBC అభ్యర్థులకు రూ. 850గా నిర్ణయించారు. అభ్యర్థులను షార్ట్‌లిస్టింగ్ మరియు ఇంటర్వ్యూకు ఆధారంగా ఎంపిక చేస్తారు. ఆసక్తి, అర్హత ఉన్నవారు ఆగస్టు 19వ తేదీ వరకు ఆన్‌లైన్‌లో దరఖాస్తు చేసుకోవచ్చు. పూర్తి సమాచారం కోసం అధికారిక వెబ్‌సైట్‌లో చూడవచ్చు.
Internal Links:
ఆగస్టు 15 నుంచి ఇందిరమ్మ క్యాంటీన్లలో బ్రేక్ ఫాస్ట్..
తెలంగాణలో పీజీ ప్రవేశ పరీక్షల తేదీ వచ్చేసిందోచ్..
External Links:
బ్యాంక్ ఆఫ్ బరోడాలో అసిస్టెంట్ మేనేజర్, డిప్యూటీ మేనేజర్ పోస్టులు.. అర్హలు వీరే