Heavy Rains: రాష్ట్రవ్యాప్తంగా భారీ వర్షాలు కురుస్తున్నాయి. బుధవారం (ఆగస్ట్ 27) మెదక్, కామారెడ్డి జిల్లాలు వర్షంతో ముంచెత్తగా, గురువారం (ఆగస్ట్ 28) కూడా పలు జిల్లాల్లో మోస్తరు నుంచి భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. ముఖ్యంగా జగిత్యాల, కామారెడ్డి, కరీంనగర్, ఖమ్మం, మహబూబాబాద్, మెదక్, నిర్మల్, నిజామాబాద్, రాజన్న సిరిసిల్ల, సిద్దిపేట జిల్లాల్లో ఉదయం 7 గంటల నుంచి 10 గంటల వరకు వర్షాలు కురిసే అవకాశం ఉందని హెచ్చరించింది. అలాగే ఆదిలాబాద్, భద్రాద్రి కొత్తగూడెం, హన్మకొండ, హైదరాబాద్, జయశంకర్ భూపాలపల్లి, జనగాం, కొమరం భీమ్ ఆసిఫాబాద్, మేడ్చల్ మల్కాజిగిరి, మహబూబ్ నగర్, మంచిర్యాల, ములుగు, నల్గొండ, నారాయణపేట, పెద్దపల్లి, రంగారెడ్డి, సంగారెడ్డి, సూర్యాపేట, వికారాబాద్, వరంగల్, యాదాద్రి భువనగిరి జిల్లాల్లో రాబోయే 2-3 గంటల్లో తేలికపాటి వర్షాలు కురిసే అవకాశం ఉందని అంచనా వేసింది.
ఈ నేపథ్యంలో వాతావరణ శాఖ ఆ జిల్లాలకు ఆరెంజ్ అలర్ట్ జారీ చేసింది. గంటకు 40 కి.మీ. వేగంతో గాలులు వీచే అవకాశం ఉండగా, ఉరుములు, మెరుపులతో కూడిన వర్షాలు పడే అవకాశం ఉందని హెచ్చరించింది. అధికారులు ఇప్పటికే అప్రమత్తమవుతూ, వరద ముంపు, లోతట్టు ప్రాంతాల ప్రజలకు హెచ్చరికలు జారీ చేస్తున్నారు. కొన్ని జిల్లాల్లో విద్యాసంస్థలకు సెలవులు ప్రకటించగా, ప్రజలు అత్యవసరం తప్ప బయటకు రావొద్దని సూచించారు.
Internal Links:
హైదరాబాద్కు క్లైమేట్ చేంజ్ కష్టాలు..
External Links:
ఈ 10 జిల్లాలకు బిగ్ అలర్ట్: రాబోయే 3 గంటల్లో భారీ వర్షాలు.. బయటకు వెళ్లకండి