Heavy Rains Across Telangana: వాతావరణ కేంద్రం తాజా హెచ్చరికలో, వచ్చే 24 గంటల్లో తెలంగాణ వ్యాప్తంగా ఉరుములు, మెరుపులతో కూడిన భారీ వర్షాలు పడే అవకాశం ఉందని తెలిపింది. సెప్టెంబర్ 11 గురువారం హైదరాబాద్లో ఉదయం నుంచి మేఘావృత వాతావరణం కొనసాగుతుండగా, ఇప్పటికే కొన్ని ప్రాంతాల్లో చిరు జల్లులు కురిశాయి. నగరం మరియు శివారు ప్రాంతాల్లో 2–3 గంటల పాటు వర్షాలు పడే అవకాశం ఉన్నందున ఎల్లో అలర్ట్ జారీ చేసింది. హైదరాబాద్, మేడ్చల్ మల్కాజిగిరి, రంగారెడ్డి జిల్లాలకు ప్రత్యేకంగా అలర్ట్ ఇచ్చి తేలికపాటి నుంచి మోస్తరు వర్షాలు పడవచ్చని వెల్లడించింది.
మరోవైపు, తెలంగాణలోని పలు జిల్లాల్లో మోస్తరు నుంచి భారీ వర్షాలు వచ్చే అవకాశం ఉందని హెచ్చరించారు. జోగులాంబ గద్వాల్, మెదక్, నాగర్‌కర్నూల్, సంగారెడ్డి, వికారాబాద్, వనపర్తి జిల్లాల్లో తదుపరి గంటల్లో గాలివేగం గంటకు 40 కి.మీ కంటే తక్కువగా ఉంటుందని, ఉరుములతో కూడిన వర్షాలు పడవచ్చని తెలిపారు. అదిలాబాద్, జగిత్యాల, కామారెడ్డి, కరీంనగర్, మహబూబ్‌నగర్, నల్గొండ, నారాయణపేట, నిర్మల్, నిజామాబాద్, రాజన్న సిరిసిల్ల, సిద్దిపేట సహా పలు జిల్లాల్లో తేలికపాటి జల్లులు కురిసే అవకాశం ఉందని అధికారులు పేర్కొన్నారు.
Internal Links:
సామాన్యులకు గుడ్ న్యూస్, పాత స్టాక్ కూడా కొత్త జీఎస్టీ రేట్లకు అమ్మాల్సిందే..
ఆంధ్రప్రదేశ్‌లో మరోసారి భారీ వర్షాలు..
External Links:
హైదరాబాద్లో క్లైమెట్ మారింది.. సిటీతో పాటు ఈ జిల్లాల్లో భారీ వర్షాలు..