Heavy Rains in Andhra Pradesh: ఆంధ్రప్రదేశ్‌పై మరో తుఫాన్‌ ముప్పు ఉంది. ఆగ్నేయ బంగాళాఖాతంలో ఏర్పడిన తీవ్ర అల్పపీడనం పశ్చిమ-వాయువ్య దిశగా కదులుతోంది. ఇది ఈ రోజు వాయుగుండంగా, రేపు తీవ్ర వాయుగుండంగా మారే అవకాశం ఉంది. ఎల్లుండి నైరుతి మరియు పశ్చిమమధ్య బంగాళాఖాతంలో తుఫాన్‌గా మారవచ్చని వాతావరణ శాఖ చెబుతోంది. దీని ప్రభావంతో ఇవాళ కోనసీమ, కృష్ణా, బాపట్ల జిల్లాల్లో మోస్తరు నుంచి భారీ వర్షాలు పడతాయి. ప్రకాశం, నెల్లూరు, తిరుపతి జిల్లాల్లో కూడా వర్షాలు కురిసే అవకాశం ఉంది. మిగతా జిల్లాల్లో తేలికపాటి నుంచి మోస్తరు వర్షాలు కురుస్తాయని అంచనా.
బంగాళాఖాతంలో కేంద్రీకృతమైన ఈ అల్పపీడనం పశ్చిమ-వాయువ్య దిశగా నెమ్మదిగా కదులుతోంది. ఇది తుపాన్‌గా మారితే ‘మొంథా (మొన్‌థా)’ అని పేరు పెట్టనున్నారు. దీని ప్రభావంతో వచ్చే ఐదు రోజుల పాటు రాష్ట్రంలోని అనేక ప్రాంతాల్లో విస్తారంగా వర్షాలు కురుస్తాయని అమరావతి వాతావరణ కేంద్రం తెలిపింది. ఇవాళ బాపట్ల, ప్రకాశం, నెల్లూరు, తిరుపతి జిల్లాల్లో భారీ వర్షాలు ఉండగా, రేపు గుంటూరు, బాపట్ల, ప్రకాశం, నెల్లూరు, తిరుపతి జిల్లాల్లో భారీ నుంచి అతిభారీ వర్షాలు పడే అవకాశం ఉంది. అలాగే కాకినాడ, కోనసీమ, పశ్చిమ గోదావరి, పల్నాడు, కడప, అన్నమయ్య, చిత్తూరు జిల్లాల్లో కూడా భారీ వర్షాలు కురిసే అవకాశముందని వాతావరణ శాఖ పేర్కొంది.
“News5am is a digital news platform that delivers crisp and reliable updates. It provides timely coverage of current affairs, sports, entertainment, business, and technology”.
Internal Links:
SSC GD 2025 ఫలితాలు ssc.gov.in లో విడుదల అయ్యాయి.
External Links:
ఏపీకి తుఫాన్‌ ముప్పు..! నేడు ఈ జిల్లాలో అతి భారీ వర్షాలు..