ప్రస్తుతం ఉన్న ప్రపంచంలో సోషల్ మీడియా పిల్లల జీవితాలపై తీవ్ర ప్రభావం చూపుతుందని ఆందోళనలు వ్యక్తం అవుతున్న నేపథ్యంలో సోషల్ మీడియా దిగ్గజం మెటా కీలక నిర్ణయం తీసుకుంది. 18 ఏళ్ల లోపు వారికోసం ఇంస్టాగ్రామ్ లో ప్రత్యేక టీన్ అకౌంట్స్ అందుబాటులోకి తీసుకొచ్చింది. పిల్లల ఇన్‌స్టాను సురక్షిత వేదికగా మార్చేందుకు గానూ మెటా ఈ కీలక నిర్ణయం తీసుకుంది. యూఎస్, యూకే, కెనడా, ఆస్ట్రేలియా దేశాల్లో మంగళవారం నుండే కొత్త విధానాన్ని మెటా అమల్లోకి తీసుకొని వచ్చింది. కొత్తగా ఇన్ స్టా లో చేరే 18 ఏళ్ల లోపు వారికి ఇకపై టీన్ అకౌంట్లను ఇస్తారు. ఇప్పటికే ఉన్న ఖాతాలను 60 రోజుల్లోగా టీన్ అకౌంట్లుగా మారుస్తారు. టీన్ అకౌంట్స్ వారి తల్లి తండ్రుల పర్యవేక్షణలో ఉంటాయి.
16 ఏళ్ల లోపు ఉన్న యూజర్లు డీఫాల్ట్ సెట్టింగ్స్‌ను మార్చుకోవాలనుకుంటే తల్లి తండ్రుల అనుమతి తప్పని సరి. ఈ టీన్ అకౌంట్స్ పిల్లల భద్రతను మెరుగుపరుచడంతో పాటు తల్లి తండ్రుల కంట్రోల్స్ లో ఉంటాయని మెటా పేర్కొంది. పేరెంట్స్ కావాలంటే పిల్లల ఇన్‌స్టా మెసేజ్‌లను యాక్సెస్ చేయవచ్చు అలానే రోజువారీ యూసేజ్‌ను తనిఖీ చేయవచ్చు , నిర్ణీత సమయంలోనే ఇన్‌స్టా వాడకుండా బ్లాక్ చేయడం వంటివి చేయవచ్చు. మొదటగా యూఎస్, యూకే, కెనడా, ఆస్ట్రేలియా దేశాల్లో ఈ టీన్ అకౌంట్స్ తీసుకొస్తున్నారు, జనవరి నాటికీ ప్రపంచవ్యాప్తంగా టీన్ అకౌంట్స్ అందుబాటులోకి తెస్తామని మెటా వెల్లడించింది.