Vegetables Price: తెలుగు రాష్ట్రాల్లో కూరగాయల ధరలు భారీగా పెరిగిపోయాయి. వర్షాలు లేకపోవడం, పంట దిగుబడులు తగ్గిపోవడం వల్ల మార్కెట్‌లో పచ్చి మిరప సహా టమోటా, వంకాయ, బెండ, కాకరకాయ, బీరకాయ, చిక్కుడుకాయ ధరలు అర్థ సెంచరీకి చేరుకుంటున్నాయి. ప్రస్తుతం సామాన్యులు కూరగాయలు కొనాలంటే కూడా రెండుసార్లు ఆలోచించాల్సిన పరిస్థితి ఏర్పడింది. జులై నెల వచ్చినా ఎండలు తగ్గకపోవడం కూడా ధరల పెరుగుదలపై ప్రభావం చూపుతోంది. టమోటా, వంగ, బెండ, దొండ, మిరప ధరలు ఒక్క నెలలోనే 4-5 రూపాయలు పెరిగాయి. క్యారెట్, క్యాప్సికం, బీన్స్, బీట్‌రూట్ వంటి ఇంగ్లిష్ కూరగాయల ధరలు భారీగా పెరిగి, బీన్స్, క్యాప్సికం ధరలు కిలోకు రూ.95 వరకు చేరుకున్నాయి.
తెలుగు రాష్ట్రాల్లోని చాలా జిల్లాల్లో సుమారు 30 శాతం పంట సాగు తగ్గింది. మార్కెట్‌కి సరైన సరఫరా లేకపోవడం వల్ల జూన్‌లోనే ధరలు ఒక్కసారిగా పెరిగిపోయాయి. ఇప్పుడు జులైలో ఈ ధరలు మరింతగా మండుతున్నాయి. స్థానికంగా పంటల ఉత్పత్తి తగ్గిపోవడంతో మహారాష్ట్ర, కర్ణాటక లాంటి ఇతర రాష్ట్రాల నుంచి వ్యాపారులు కూరగాయలు దిగుమతి చేసుకుంటున్నారు.
Internal Links:
ఇండిగో తన మాన్సూన్ సేల్ ను ప్రకటించింది..
External Links:
అర్థ సెంచరీకి దగ్గరలో కూరగాయల ధరలు.. సెంచరీకి చేరువలో ఇంగ్లిష్ వెజిటేబుల్స్!