నాగ్ అశ్విన్ ఫాంటసీ ఇతిహాసం ‘కల్కి 2898 AD’ విడుదలైన నాలుగు రోజుల్లోనే 9 కోట్ల రూపాయల మార్క్ను క్రాస్ చేస్తూ కేరళ బాక్సాఫీస్ వద్ద సంచలనం సృష్టిస్తోంది. ‘కల్కి 2898 ఏడీ’ కేరళ నుంచి కేవలం నాలుగు రోజుల్లోనే రూ.9.7 కోట్లు వసూలు చేసింది. మహాభారతం నుండి ప్రేరణ పొందిన ఎపిక్ డిస్టోపియన్ సైన్స్ ఫిక్షన్ యాక్షన్ చిత్రం, కేరళలోని ప్రేక్షకులను ఆకర్షించడమే కాకుండా ప్రపంచవ్యాప్తంగా అనూహ్యంగా మంచి ప్రదర్శన కనబరుస్తోంది. ప్రపంచవ్యాప్తంగా గ్రాస్ కలెక్షన్లలో ఇప్పటికే రూ.500 కోట్ల మార్కును దాటేసింది.