News5am, Breaking News Telugu News (06/05/2025): మలయాళ సినీ పరిశ్రమ వరుస విజయాలతో దూసుకుపోతున్న తరుణంలో. 2025లో విడుదలైన మోహన్‌లాల్ ప్రధాన పాత్రలో నటించిన తుడరుం సినిమా కొత్త రికార్డులు నెలకొల్పింది. థరుణ్ మూర్తి దర్శకత్వం వహించిన ఈ క్రైమ్ థ్రిల్లర్‌ను రేజపుత్ర విజువల్ మీడియా నిర్మించగా, బాక్స్ ఆఫీస్‌ వద్ద భారీ విజయాన్ని అందుకుంది. మోహన్‌లాల్ షణ్ముగం (బెంజ్), టాక్సీ డ్రైవర్‌గా, శోభనతో కలిసి ఎమోషనల్ యాక్టింగ్ తో మెప్పించారు. రన్ని అనే పట్టణంలో జరిగే కథలో క్రైమ్, ఫ్యామిలీ డ్రామా అద్భుతంగా సెట్ అయ్యాయి. ఈ చిత్రం విడుదలైన మొదటి 6 రోజుల్లోనే 100 కోట్ల క్లబ్‌లో చేరింది. 10 రోజుల్లో 162.69 కోట్ల గ్రాస్ కలెక్షన్‌తో మలయాళ పరిశ్రమలో నాల్గవ అత్యధిక వసూళ్లు సాధించిన చిత్రంగా నిలిచింది. కేరళలో రోజుకు సగటున 5 కోట్ల రూపాయల కలెక్షన్‌తో 10 రోజుల రికార్డు సాధించింది. జేక్స్ బిజోయ్ స్వరపరిచిన “కన్మణిపూవే”, “కథ తుడరుం” వంటి పాటలు శ్రోతలను మెప్పించాయి.
తుడరుం మలయాళ సినిమా చరిత్రలో అత్యధిక హౌస్‌ఫుల్ షోలు సాధించిన చిత్రం అనే ఘనతను పొందింది. విడుదలైన మొదటి 10 రోజుల్లో ఈ చిత్రం కేరళలోని థియేటర్లలో అపారమైన ఆదరణను పొందింది. ముఖ్యంగా, కేరళలో 10 రోజుల పాటు ప్రతి రోజు సగటున 5 కోట్ల రూపాయల గ్రాస్ కలెక్షన్ సాధించిన మొదటి మలయాళ చిత్రంగా నిలిచింది. ఇదివరకు మోహన్‌లాల్ నటించిన L2: ఎంపురాన్ చిత్రం 7 రోజుల పాటు ఈ స్థాయిలో కలెక్షన్ సాధించిన రికార్డును తుడరుం అధిగమించింది. 2025లో మోహన్‌లాల్ ఈ రెండు సినిమాలతో రెండు 100 కోట్ల క్లబ్ హిట్‌లు అందించిన గొప్ప విజయాన్ని నమోదు చేశారు.
More News: Breaking News Telugu:
మోహన్ లాల్ సినిమా సరికొత్త రికార్డ్..
ఆర్టీసీ ఉద్యోగులకు యాజమాన్యం బహిరంగ లేఖ…
More Breaking Big News: External Sources
Thudarum : మోహన్ లాల్ సినిమా సరికొత్త రికార్డ్